2011年3月1日星期二

獨家自製 iPhone app icon

平日收埋收埋唔少讀者提問的email、blog comment,關於美容的幾乎乜類型都有,有時睇唔晒或者答唔晒,敬請各位讀者見諒。之但係尋日就真係收到一個令我好開心的comment,就係Kirsten小姐居然留言問我關於上星期寫過的iPhone app 「TalkBox」的問題(問題內容及詳情請重溫:用iPhone「講」SMS)。
哈哈,我這個科技白痴都會有人向我請教科技問題,實在令我意想不到呀,唔開心就假啦!
然而,寫完TalkBox一文之後,TalkBox的developer(原來係香港人)立即在微博上感激我的介紹(@TalkBox語音聊) 。不過TalkBox真係幾好用,我宜家同幾位好友互聯都改晒用TalkBox,不過TalkBox都有個缺點,萬一講錯說話留錯言,就真係一send冇回頭,覆水難收,所以講之前真係要小心D。

所以今日再度出手,介紹多一個iPhone app 「QuickButton」。
QuickButton的最大用處,係可以幫你獨家訂造一個app icon放在桌面上,例如將常用的電話聯絡人變成icon,一click即撥通。又或者將send SMS俾男朋友的動作變成short cut,一按立即進入send SMS俾男朋友的介面,真係方便到暈!如果仲未明點用,睇埋以下講解啦。


例如你想將其中一位好友的電話變成桌面icon,先輸入她的名字及電話號碼。要留意左上角有個相框,可以放埋你朋友將張做icon的圖像。
你可以立即影相,或從相簿中搵佢張相做圖像。
咁我位好友叫Miffy,就用Miffy張卡通相做圖像啦!
校好大細同位置就靚仔晒啦。
你仲可以幫圖像加相框效果,我就加入心心相框啦,之後按最底的Create QuickButton。
然後會進入瀏覽器Safari,按一下底部中間的forward,然後按加入主畫面螢幕。
睇到呢到,心水清的讀者應該留意到,呢個app其實係利用了Safari的bookmark網址功能,將bookmark了的桌面icon變成自己的個人化icon。
於是桌面上就多了一個「所謂自製」的桌面icon,例如呢個Miffy icon,一按就會先進入Safari網頁,而呢個網頁的功能就係立即幫你打電話俾Miffy。
雖然有點取巧,但桌面上多了一個屬於自己製作的app icon,感覺自己成為一個iPhone developer,呢份成功感好滿足!
而呢個app真係免費下載至3月6日,之後就要收費啦,要趁早玩趁免費,立即行動啦!



——————————————————————————————————————–-------------------
本週《MORE》專欄精采容:率先試 隱形微針換膚術

今次我要作介紹的的新療法,是既擁有MTS的美容功效,又杜絕了其危險性,名堂是「矽藻微米骨針煥膚療程」。骨針?初初得悉時,也非常譁然!原來自18世紀以來,骨針是歐洲視為治療皮膚問題的傳統秘方。
詳情請留意今期《MORE》專欄。

1 則留言:

注意:只有此網誌的成員可以留言。