我承認，我是比較幸運，從懷孕起，已經避過被搶到甚麼都沒有的境況，產檢不用等，醫院床位充足；生完之後，連奶粉、紙尿片都供應充足，未試過要囤貨以備不時之需。
但係今次我終於遇上煩惱，呢一款花王Merries紙尿片，居然榮登報紙頭條，在日本被搶購一空，引發日本商店發出限購令，以防日本BB唔夠用！而我更煩，因為Merries在香港一樣開始斷貨！
坦白講，網上最多人讚Merries唔易令BB敏感，所以媽媽用在BB身上用得特別安心，而我並非這個因素，反正我用過Huggies同Pampers，一樣冇敏感情況出現在BB身上。我最讚揚的一點，是Merries「藏金量」最高，「黃金」唔輕易從髀位旁邊滲出，又或者唧上腰間。（BB黃金呢樣東西，對媽媽真係又愛又恨，冇又驚BB健康有問題，有又驚滲出或引致皮膚敏感）
所以Merries對我好重要，咁講一點都不誇張，當你試過行勻全條街五六間藥房都冇Merries，你都咪話唔驚恐！直至今日，斷貨情況不斷發生，就算好彩遇到間藥房有，可能size都唔齊，未必有你想要的size！以我為例，小王子因為係大碼B，已經要用到L碼，可能呢個size極受歡迎，我未試過在一間藥房可以買到2包L碼Merries！
我甚至可以分享一件我近期極興奮的事，2星期前我專程去APM一田超市，搜購特式食品時，食品並沒有甚麼吸引到我，但在收銀處旁邊的嬰兒用品部，居然有一座Merries山！真係一座山咁多Merries！我第一次買到2包Merries，就在一田！（我覺得自己有責任留給其他人購買，所以只買2包）雖然比藥房的價錢貴十幾蚊一包，但師奶數已經唔可以在這個瘋狂情況下納入計算範圍。
養兒一百歲，長憂九十九；三個多月，已經明瞭！
沒有留言:
發佈留言
注意：只有此網誌的成員可以留言。