平嘢係咪就無好嘢？
今次想講 REVLON，大品牌平價位，係咪全線產品都好用？無可能囉，就算幾大牌子都梗有倉底貨，至緊要識揀。
我最讚 REVLON 當中一款出品是雙色遮瑕膏(可算是皇牌產品，網上隨意search都勁多推介)，我親眼見過就連TVB某某化妝師都有用，見下圖.....
我喜歡它遮瑕度高，特別適合拍照或上鏡用，另一格是打造光影 highlighter，
柔滑貼服閃亮效果自然，大大盒都只係百多元咋！
REVLON 最近又有令我驚喜的產品出現，是最新登場，名為"Photo Ready"---高清無瑕系列，意謂在高解像度下都能呈現彷如無物的完美無瑕妝容。
之但係非全條 line products 我都 like 喎，邊款效果一般無諗住寫，只想用筆墨推介大家必試產品---「Perfecting Primer高清無瑕底霜」。
REVLON "Photo Ready" Perfecting Primer高清無瑕底霜 $128／27ml
當我劑出一小撻Perfecting Primer時，看來與一般乳液無異，呈淡淡粉紅色，標榜含有粉紅粒子散射光線，令皮膚瑕疵不著跡。
我習慣將產品試在尾指對落手背位，因為該部位毛孔顯眼，且紋理多，是測試coverage最誠實位置。
測試對比：
本以為底霜又是純粹潤滑肌膚，殊不知塗勻在手背，amazing……粗大毛孔唔見咗、紋理淺晒，似soft lens霧化的平滑零瑕疵視覺效果；即使這只是塑造的美麗假像，
塗於面上後也足以令我信心十足示人。
仲有控油功效，啱晒香港潮濕天氣用呀！
之但係，呢支雖然叫底霜，卻發覺不太適合粉底前塗抹，如實說......因為我試過搽佢後再上粉底會太乾及難以令妝效均勻；相反地，若然塗面霜後單獨用上這底霜，效果是非常出衆，膚色會白哲兼均勻咗，仲可以完美遮蓋好多細小瑕疵，對於毛孔粗大、幼紋暴現、粗糙肌膚，是最佳隱藏高手！素顏又想粉飾皮膚的話，呢支Perfecting Primer係我拍心口保證智選！
———————————————————————————————————————————————
本週《MORE》專欄精采內容：
納米始祖 智慧型神級精華液襲港
近幾年間，有一種科技被美容界廣泛大肆宣揚，恰似沒有加入這技術就塗甚麼也是枉然似的，謎底揭曉，那就是「納米科技」，
那麼誰是神級納米護膚品？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。