搞笑事件是雞同鴨講，他教我部新SONY電話點樣玩，我教佢幾種護膚品及健康食品點樣用，大家嘅專長好唔同，可以藉此互相學習，haha！
就是他當中的一句說話，觸動我寫呢篇blog抒發感受！
「男人都用呢D嘢，唔係啩？！」
其實以上談話我不下聽到N次，覺得頗有趣，男性對美容護膚concept真係好受傳統思想規範，要勸服男友／老公用一D佢哋認為女人至會用嘅
事件一：防曬
事緣，我送這位blogger朋友的禮物list中有一支防曬日霜，他非常震驚又不屑的語調謂：「嘩……男人都用防曬，唔係啩？！」
吓！男人用防曬有咩值得大驚小怪呢？防曬意義不只是為保女士們最關注的美白和防色斑，重點其實是預防老化，抵擋紫外線照射皮膚破壞膠原蛋白及彈力纖維呀！簡而言之：防皺！男女都須要。
當然，揀選防曬產品方面，質地清爽透薄舒適好緊要，無色無味最好，有矯膚色作用的如粉紅(白淨) 、紫調(去黄) 、綠調(掩飾暗瘡紅印)….. 留番俾女士們啦！
推介：
日本花王藥妝品牌CUREL清爽防曬乳液SPF 25 PA++ (敏感皮膚適用) 約$190／30m l
(指定屈臣氏及萬寕有售 2866 3776)
事件二：洗面奶
男士們最常CUREL
向我查問的護膚問題，是洗面用乜好？面對皮膚極乾燥且多紋的成熟男，大前提是他們願意的護膚步驟只限潔面，就連往後搽保濕都嫌煩，這樣的話，我會建議用洗面奶，他們聽到的反應必然是：「嘩……男人用洗面奶？咁立！」首先，洗面奶質地唔一定係立；第二，亦唔一定只限女士卸妝專用。洗面奶對於乾性及易敏皮膚是最佳護膚第一步，輕柔去除污垢又可保護皮脂膜，令皮膚水分不易流走，至啱不願做其他skin care step的男士，減輕繃繃緊感覺。
向我查問的護膚問題，是洗面用乜好？面對皮膚極乾燥且多紋的成熟男，大前提是他們願意的護膚步驟只限潔面，就連往後搽保濕都嫌煩，這樣的話，我會建議用洗面奶，他們聽到的反應必然是：「嘩……男人用洗面奶？咁立！」首先，洗面奶質地唔一定係立；第二，亦唔一定只限女士卸妝專用。洗面奶對於乾性及易敏皮膚是最佳護膚第一步，輕柔去除污垢又可保護皮脂膜，令皮膚水分不易流走，至啱不願做其他skin care step的男士，減輕繃繃緊感覺。
推介：
Dermagram草本平衡潔面乳約 $210 / 150m l
事件三：潤唇膏
很多女性異口同聲，最看不過眼是男士們任由嘴唇甩皮泛白龜裂，唔明白咁唔舒服點解都可以唔理？叫他們搽潤唇膏，就好似要佢哋幫女士拎手袋咁，覺得無面喎，理由是公開場合豈可婆婆媽媽？！吓....咁諗都得？
那麼，我會建議男士們只在晚間睡前塗上潤唇膏，作為深層修護權宜之計，一整晚的改善嘴唇乾裂，減少紋理，總好過完全置之不理。一般人會諗stick狀潤唇膏無咁黏立，但我覺得多數唔夠補水，建議lip blam，別以為一定又潤又令喎！男士們專用的lip blam質地會薄身、給予保濕而非油潤。
推介：
LAB SERIES Instant Moisture Lip Blam 約$149
薄荷味夠清新，蘆薈舒緩、維他命E抗氧化淡紋。
———————————————————————————————————————-
本週《MORE》專欄精采內容：
全方位抗黑頭收毛孔妙法
夏天一到高温加潮濕，鼻子黑頭粉刺問題加劇，毛孔堵塞令皮膚粗糙，可怕的是惡性循環，更甚是毛孔角化症，要對抗真是相當有難度，這咬牙切齒的面子問題，基本上無人可幸免！想知我的對付黑頭方法，詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。