終於，我的iPhone 4要退役了！
可惜，iPhone 4S的吸引力未致於讓我順利升級過渡，繼續用Apple。於是，一早就有轉投Android phone的念頭，只是Android手機的選擇實在太多吧！我對手機的認識又不是很深，揀手機比揀衫揀護膚品更難作出選擇。
曾經有人推介說 Samsung Galaxy II很好用，但我嫌它的設計沒有個性，除了大芒及比iPhone 4快的CPU，線條的設計和iPhone相距甚遠，我對美感這方面比較敏感，不美就是不美。
又有人說Galaxy Note很好呀，夠晒大芒，Samsung之最，可惜我唔係煲劇的人，大芒不會特別吸引我，還有要我把手指張到最開去拿著手機講電話，根本不是人體工學理念的產品。
後來，我曾經請教過Android-hk的手機達人Roy，當時他已經是Samsung Galaxy Nexus的用家，達人的選擇，我也不用多懷疑吧，但一睇樣，又係造型出事，弧型機背但不對稱，好像拿著一個切開一半的芒果，sorry Samsung！
以上內容，我曾經寫了這一篇文章：我的電子煩惱！
而悶局就在今個星期打破，我的新電話是它：
Sony Xperia S
直覺及感覺比iPhone 4輕（翻查數據先知，Xperia S比iPhone 4重4g）、比iPhone 4大芒、和iPhone 4厚度相約，最重要的係，和iPhone 4一樣咁靚！我的愛貓Bubebu係白色，我理所當然都係揀白色的Xperia S。
上網速度、按app後的反應時間、手寫輸入的流暢度，全部都非常快！
影相呢？我最注重手機影相質素，的而且確，比iPhone 4靚好多！唔知係咪因為佢有1200萬像素關係，比只得500萬像素的iPhone 4好好多
反而我最喜出望外的，原來Android版Whatsapp係免費下載，iPhone版Whatsapp係要US$0.99喔！亦即係我從iPhone 4過渡至Android的最重要app，不需花費我多一分一毫！
仲有，它比16GB iPhone 4S平，但擁有32GB容量，最近我的iPhone 4已經滿載，要經常刪除舊相片先可以再影相，比我現時多一倍的容量就最適合不過。
優點不能講太多，始終係我真金白銀買的，所以我暫時遇到的缺點，都一應附上：
1. 由於用慣了iPhone 4只有一粒硬體鍵的操作，對於突然多出的back、home、menu三個按鍵，操作上需要時間去適應。
2. 而呢三粒按鍵係熱感操作，同PS3的開關掣同一原理（以上資訊由老公提供），經常性按落去係冇反應，成日以為粒掣壞了。
3.電池壽命不高，新機使用時，比同樣係新機的iPhone 4，更快見紅，約莫半日就要搵後備電救命。
由今日開始，努力去適應新電話。
———————————————————————————————————————————————
本週《MORE》專欄精采內容：
堅持不打針 打石膏瘦面法
瘦面是香港女生的共通話題，於幾個月前終於給我發掘到獨特而有效的瘦臉法，而該方法更是我聞所未聞，名堂為「打石膏瘦面 facial」！無須打針打石膏就可瘦面，真的嗎？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。