今日之所以有呢篇blog，係因為拜呢位朋友所賜，當日送我一件窩心禮品----是潔面用的，語重心長：「我覺得妳會好鍾意，一定要試呀！好好用……好啱呢個天氣……我自己都用緊……」Ok，誠意一百分，我當晚提醒自己務必趕快試用。
心諗….洗面泡沫，大大話話我都用過超過6個牌子，目標保濕、美白、深層去污等，係好鍾意一按即出泡，唔使加水起勢搓，夠晒方便懶人合用，之但係無乜邊款好突出。
Surprise….. 就喺今次發生，洗一次面竟然能令我有勁清爽乾淨，煥然一新好感，真係少之又少；皆因要在潔淨與滋潤感取平衡相當難，而現在高溫潮濕天氣下，我會喜歡8分潔淨：2分滋潤比例。
揭盎：
Shu Uemura porefinist 「昇級版」 細緻毛孔潔顏泡沫$240／150m l
愛貓 Bubebu "chok" 樣伴襯！
呢支係「昇級版」，比款舊裝有幾優勝？恕我不能評論，因為無試過嘛！
只知添加咗幾款精華成分，加強功效。
首次試用已經認定Mr Right係佢….. 雖然自認多心，但起碼呢個夏天「潔面寶座」非它莫屬！
點揀咁得我歡心？由獨特成分拆解至我的試用後感。
煥膚因子---去死皮
放心成分是非常mild配方，一D都唔刺激，我夠膽咁講，因為擁有超敏感皮膚嘅家姐都已經試用咗，洗後完全無泛紅，仲好白淨添！我覺得去死皮效果好得，因為洗完嗰刻見得到特別白淨皮膚又滑咗，去油脂效果feel so good，觸感真係好爽呀！早晚用一次keep住暢通毛孔，可防污垢積聚。
睡蓮精華---防暗粒
夏天至容易誘發暗粒，潔面是重要把關，加入睡蓮花蕊精華，原來有天然抗炎抑菌效用，可預防細菌令皮膚唔易生粒粒，呢點我最關注。
龍鬚草---夠保濕
保濕唔等同滋潤，前者春夏至啱feel後者留翻俾秋冬。在潔淨同時給予皮膚恰度保濕是非常重要，否則容易引起乾敏，也易引起皺紋及繃緊不適。早說過喜歡8分潔淨：2分保濕比例，呢支潔顏泡沫就bingo。
論價錢—
以現今物價指數、美容大品牌而言，二百多元一大支容量洗面產品，算是價廉何況物美呢！
———————————————————————————————————————————————
本週《MORE》專欄精采內容：
堅持不打針 打石膏瘦面法
瘦面是香港女生的共通話題，於幾個月前終於給我發掘到獨特而有效的瘦臉法，而該方法更是我聞所未聞，名堂為「打石膏瘦面 facial」！無須打針打石膏就可瘦面，真的嗎？詳情請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。