放心，請大家即管跟我放肆咁食，最新「減肥專輯」正進行中，兩星期內就會公開瘦身秘笈！
講到食，自覺同拉麵特別有緣。
第一次被邀做「食之達人」嘉賓，是荷李活商場的日本拉麵節；噚日，又是被邀參加拉麵party，未出發先興奮，因為係無時無刻都排晒人龍嘅「一風堂」，次次等足45分鐘是等閒事，今次Party我何止唔使等，仲有貴賓式款待試新菜式添，yeah！
我中午試做西班牙最新抵港減肥機＋去「萬全堂」錢太度做針灸促進代謝，就是迎接呢餐最佳準備，haha！
睇吓熱鬧情況：
舉杯慶祝....cheers！
有咩新菜式？
三款新小食：
No 1「咖哩叉燒春卷」
No 2「博多棒棒雞沙律」
微辣醒胃，雞絲尚算嫩滑，蔬菜新鮮脆口，
若然加多幾滴檸檬汁相信味覺會更佳。
No 3「香辣炸雞翼」
No no no......太乾，肉無乜汁，唔夠惹味，有待改進。
主角：「博多沾麵」
主角---沾麵，麵條粗身彈牙有咬口；食法---夾住麵沾落湯。
湯底是極濃郁豬骨精華，將淡淡蛋香麵與之戀上，一濃一清、一熱一凍，食得多都唔覺膩，清爽感覺啱晒夏天品嚐！
仲有......
食完麵，壓軸變奏是加入昆布清湯於剩下的豬骨精華汁，變成美味豬骨湯，飲埋至夠完美享受。
甜品：「炸甜薯棒伴香草雪糕」
本來，我食到以上拉麵round已經夠晒皮；當見到menu甜品係炸薯......心諗無乜興趣唔好浪費quota，但見到真身又幾特別咁，好啦......為咗試味品評......即管淺嚐。On......「中伏」，太好食喇(卡路里急升)，炸薯外層雖則唔算脆，之不過內裏好軟滑好甜呀！係紫番薯嘅香濃，香草雪糕似云呢嗱味，冰火口感，正正正！
「一風堂」
中環世紀廣場3F
———————————————————————————————————————————————
本週《MORE》專欄精采內容：
誰是金至尊護膚品？
以黃金作為主導成份的美容護膚品，愈出愈多，各品牌也齊來分杯羹，有來自日本的、西班牙
的，及美國等地，當中包括一些家傳戶曉或名不經傳品牌，價格上不論便宜親民，或是高尚尊
貴，這股鬧得火熱的戰團都各自標榜加入純正黃金作為賣點。到底黃金護膚品有甚麼獨特之
處？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。