昨天化身聖誕老人送禮，今日就慳妹上身，因為知道很多讀者想襯佳節選購一份聖誕禮物，送給摯愛，又或者，想送給最愛的自己！
在林林總總的聖誕 set 之中，我會推介因為節日名義而享有大折扣的產品，因為普天同慶的節日根本就應該是一個「大折日」！冇番咁上下折扣，真係幾難令我出手購買，以下幾款都係我心水 beauty 禮物set，全因「大折特折」！

心水1：9°Beauty黃金化妝set

$500是很多指定交換禮物的遊戲上限金額（當然，更多的budget limit是$200），不過我過去幾年的聖誕party都是以$500為單位，就讓我用這個金額的最佳來打得陣吧！
9°Beauty黃金化妝set之所以獲登這個$500寶座，因為折扣高達五折！這個化妝set包括9°Beauty BB Pack（原價$300）、Kinka純黃金Loose Powder（價值$529）及Kinka金箔Lip Gloss（價值$179），總值$1,008，折扣價係$499！
這個組合照顧到聖誕或重要場合的化妝需要，例如BB Pack可以定妝用（各位應有不少粉底吧，就用開自己的常用粉底啦），然後用Kinka純黃金Loose Powder於眼簾、蘋果肌位做highlight，這個純金的閃粉比普通閃粉更加有光澤及自然亮麗，非一般閃粉可比（切記閃粉勿掃滿全臉，會似油光滿面）；還有金箔Lip Gloss，除了可透過黃金成分改善暗啞唇色外、更富含透明質酸滋潤唇部，最得人歡心係透明Lip Gloss塗上唇後會變粉紅色的唷！（亦有純透明可選呢）

心水2：9°Beauty黃金面膜set

我經常收到讀者的email，都讚黃金面膜係結婚或超重要場合前必用的護膚mask，可惜，好貴好貴好鬼貴囉，非到重要關頭才捨得豪用！所以呢個同樣高達五折的黃金面膜片組合，當我一知道後就真係非介紹不可！
整個組合包括一片Kinka黃金面膜（價值$1,589）、一支導入黃金面膜專用的Kinka Gold Lotion（價值$579），及一支上妝前用來撫平乾紋減褪粗糙感的Kinka Gold Make Up Base（價值$299），由原來的$2,467狂減至$1,279！敷完面膜再打好個底，塊面真係即時黃金咁「令」！
售賣點：9°Beauty
地址：中環威靈頓街14-24號威靈頓公爵大廈9樓
電話：2810 8120
以上優惠至12月31日止

心水3：bareMinerals聖誕限量閃炫套裝

礦物粉是目前最當時得令的化妝聖物，實在意想不到！我早前經過尖沙咀海港城Faces，當中的人潮counter就係bareMinerals！相信因為不含防腐劑及其他化學物的全天然元素，深得用家歡心吧！雖然它亦強調用後唔卸妝也毋損膚質，但還是乖乖的卸妝吧。
這個組合的好處是？我還是實際一點，因為足夠你去化一個全妝，而且折扣高，總值達$1,600的化妝組合，現在$770就買得到，超過五折喔！已經包含眼影底霜、礦物眼影、明亮防水眼線筆、睫毛液、礦物胭脂、礦物面部修飾輪廓粉、唇膏、胭脂眼影掃，同埋一個閃袋！齊到咁，仲使諗？仍未試過礦物粉的貼服無負擔妝效，就要把握今次聖誕超筍優惠！
售賣點：bareMinerals counter
尖沙咀海港城Faces（2376 3766）、金鐘太古廣場 Harvey Nichols（2918 0592）

心水4：Avene抗敏保濕外遊套裝

聖誕之後緊接農曆年，少不免會外遊吧？又或者你認為先前介紹的禮物超出預算，這份才$220的禮物包（原價$353），值得入手啦！
其實這類Trial / Travel Set都必然集合品牌的皇牌產品，期望你用後愛上品牌繼而追捧。何況近年自認為敏感肌人士倍增，想解決皮膚乾敏，又或為恐去到外地皮膚不適應當地天氣，Avene富含法國礦物泉水成分，鎮靜舒敏保濕非常見效，這套gift set包括：高效鎖水輕盈保濕霜（40ml）、卸妝啫喱（25m）、化妝水（25ml）、保濕面膜（5ml）及保濕精華液（5ml），讓皮膚滴水不漏，保護最強。

售價點：各大屈臣氏、萬寧之Avene醫學美容專櫃