當上星期我突然決定要去台北之時，兩位好友M同時問：「有乜好食推介呢？」就連其餘同行的友人，在台灣甫見面第一句都係問我：「今次你會食D乜？」
彷彿成為人肉台灣美食指南！

其實今次行程來得突然，我也沒甚麼認真準備，不過......作為火鍋痴，任務很簡單，找一間新晉口碑王、超好味的鍋店就滿足了！千揀萬揀，就揀了同樣來自「鼎王」集團的「無老鍋」（詳情請重溫：

「鼎王」的麻辣鍋，可以講係台灣無敵，入口只辣瞬間，然後口腔的灼熱感瞬即回甘帶香，我這樣一個怕辣得要命的人，都可以同其他人講：「我最愛麻辣鍋（只限鼎王）！」

既然來自同集團，鍋底會否一樣、或太相似？首先，鼎王主打的是麻辣鍋及酸菜白肉鍋，簡稱紅白湯底；無老鍋所主打的是日本明治冰淇淋豆腐鍋（白湯）及無老長生辣香鍋（紅湯），當我以為兩者的湯底應相差無幾時，其實兩店的湯鍋根本係截然不同，即係話，去台灣食晒兩間都可以享受到不同的風味。

話明係人龍店「無老鍋」，落的士見到門口大排長龍鬼咁墟堪！
唔係誇張，呢張相拍於星期日下午三點，我都係人生首次下午茶時間食火鍋咋！但係呢個時段都可以大排長龍，就知肯定有真材實料。
點解我會食呢個時段咁得意？因為早一個星期前訂位，根本訂唔到繁忙的用餐時間，只係得早上十一點，下午三點同晚上十一點後先有位，建議早三個星期前訂位，先可以訂到一般正常用餐時間。

門口有塊大招牌寫住：「日本失傳百年鍋物」！
原來創辦人知道日本岐埠縣內的小村莊，有位當地人稱「無老婆婆」，身負由她老爸傳下來的「冰淇淋豆腐」，即睇實物相：

「冰淇淋豆腐」外形似雪米糍，每位客人都會免費招待一粒；

食落口感似魚蛋一樣的豆腐，很特別！

其「豆腐手藝全來自父親的親手傳承，因為工序手法繁瑣，從備豆、烤豆、磨豆、泡筋、洗筋、煮筋、發筋、壓筋、揉筋.....等程序，有別於中國古代豆腐傳承至今是用壓的，而日本明治時期的冰淇淋豆腐是用揉合的！而上等的冰淇淋豆腐，下鍋後豆腐會馬上浮出鍋中，當時交通與設備問題，冰淇淋豆腐無法大量製作，在當時日本以揉合法製作的豆腐，卻不到五十家。就是因為工序繁鎖及時代變遷下逐漸失傳，在全日本市面上，即便有錢也吃不到已失傳百年的豆腐手藝！那柔細透嫩在熱湯鍋中蒸騰翻滾的香醇美味，猶如陽春白雪在舌尖乍融時一點即化的溫柔，那一瞬間的美味驚豔，至今仍然戀戀難忘。」以上粉紅色字其實可以唔詳睇，只不過截自官方網頁，我淨係知，好味就足夠了！