慾望No.2 — Panasonic電解水機TK-7585E
呢部機的最大作用，就係為家居提供「電解水」。何謂電解水？一般食水的酸鹼度為中性，以單位表示，就是pH值等於7（pH數值在1-14，1為強酸，數字增加，酸度減弱；7為中性，之後數值愈大就變鹼性，最大14為強鹼），一般食水經過電解處理，可以改變水的酸鹼值，製造酸性的水或鹼性的水。
好處係乜呢？弱酸性的水，用來洗面就有極高的美容作用，因為弱酸性不會傷害皮膚表面的皮脂膜，大大減低皮膚清潔後的乾敏情況。容易皮膚敏感的人，洗澡時都會用弱酸性的沐浴乳，例如pH值5.5的產品，就最適合不過。而我，當然被這個功能而令我想收歸旗下！
不過，到今日都未買入的原因，係因為呢部機索價$10,980，真係天價產品！
至於賣咁貴的原因，因為佢可以製造4段鹼性及2段酸性的電解水，同品牌低一級的電解水機只售約一半價錢，只因低一級的只可以製造3段鹼性及1段酸性的電解水。剛剛講過，第1段酸性的弱酸電解水用來美容護膚最適合，而再強一級的強酸電解水，就有極高消毒殺菌作用，用來清潔家居、家庭用品、洗淨傷口都非常適合，絕對同身體健康有莫大關係！
而鹼性電解水就可以用來飲用，特點係帶一點點甜味，令清水變得好飲（我咁樣寫法，真係好似邪教導人迷信咁樣樣......hehehe）。網上仲有人話飲鹼性電解水有抗癌功效，呢個我覺得有點太誇張，何況缺乏醫學根據！亦有人話飲鹼性電解水可以對抗身體內的游離基，強身健體延緩衰老，咁鬼誇張！我自己較相信的說法，係鹼性電解水因本身有濾芯過濾食水，比較潔淨；而最高的第4段鹼性電解水，專門用來洗菜，可以將蔬菜上的農藥、污染物徹底洗去，對於我呢個每日都食會自己煮好多菜食的人而言，亦係吸引我想買的原因！
可惜，電解水機在香港的選擇不多，唔同日本，有過百款選擇，幾乎係每個家庭的必需品！就算唔買過萬呢一部，次一級五千多元都唔係咁多人會搶得買。亦係令我卻步唔貫立即付款買入的主因！
尋日有自拍神器，今日呢部仲唔係「飲水神器」？哈哈哈！
———————–
本週《MORE》專欄精采內容：
2013 我的十大奇蹟面霜〈下〉
網上一直留傳「世界十大頂級面霜」名單，被譽為深受荷李活星、名緩名人寵愛，以至全球愛美女士夢寐以求重拾青春的護膚品；共通點是擁有一瓶就能夠對抗歲月摧殘，無須層層疊N款修護品，是成熟肌的「皮膚救命霜」啊！
「我的十大奇蹟面霜」誰屬！詳情請留意今期《MORE》雜誌內我的專欄。
www.bestalkalinewaterworldwide.com
回覆刪除You can make a comparison. Hope you like it. The one I suggest is also a water ionizing machines but it is made in Japan and it is registered as a medical device which is widely adopted in hospitals in Japan. This one is much more expensive than the panasonic one but is of better quality and effectiveness. The water it produces is highly antioxidizing and against antiageing as a result. Find more about it when you have time. It will really benefit you and your readers as well.:)