去見中醫師，每每是把脈，仲要伸條舌頭俾人睇，究竟點解？
通常10次有8次被告知：「舌苔好厚又白，腸胃較差。」
腦袋裝滿問號，照照鏡舌苔又真的好白喎，之但係好多人都係咁喎！有乜唔妥？
原來真係有唔妥。
中醫將舌苔稱為「中醫的胃鏡」，是反映人體健康狀況的。
正常舌體應該是柔軟、淡紅潤澤、舌面有薄而均勻顆粒；若然身體狀況欠佳，舌質和舌苔就會發生變化，舌苔發白，代表體內有寒濕，脾胃運化失常，隨之顯見水腫問題，更甚者通常附帶口臭及疲乏無力。
專家解讀，當今很多人舌苔多是又厚又白，原來同飲食習慣有關，就是因為常喝冷藏的飲料、吃冰凍水果蔬菜、雪糕等等所造成的；而舌苔白厚多見於身體肥胖者，因為脾胃消化唔好，故此反映在舌苔上。
唔知大家有無清潔舌苔習慣呢？
老實說，我以前唔識亦唔知要咁做，真係後知後覺，只係間中刷牙時用牙刷輕刷舌苔，不但止無乜大作為，仲次次都搞到想作嘔添，怕鬼左！直至媽咪知道中醫師話我舌苔厚又白，是「上火」，就買了件古法小工具俾我，點知一用就愛上……
外形似雪條棍，卻由軟膠製造的，具彈性；用法是將小工具直接橫放上下擺動刮舌頭，原來可以將黏附牙膏、食物殘漬、看不見的細菌刮走啊！
Wow！我而家條舌頭係keep住可愛誘惑粉紅呀(haha...太私隱無謂show俾大家睇)，非常滿意超級潔淨視覺和感覺。
另有具彈性軟鐵片質料，潔淨效果更強！
點解我會形容為古法小工具？因為正常地方買唔到，要在街邊小檔搵…. 如果見到賣梳呀、耳挖、髮夾等等至有機會買到，只係幾蚊雞。
至於坊間容易搵得到的以上呢D款式，我試過都唔夠古法小工具乾淨呢！
舌苔厚白即濕寒，除了清潔工夫要做足，還要注意以下要點啊！
在飲食上最好以清淡為主，多食新鮮蔬菜、水果及粗纖維食物，此外，薏米、山楂等都有很好的健脾作用。
日常應少食寒涼之物，減少對胃部的刺激。
祛寒濕的方法 ·關鍵在於充足的血液，運動可以生熱，起到驅散寒濕的作用。
或是泡腳後微微發汗，都可以達到祛寒的效果。
飲食方面溫熱的食物可以祛寒，如牛肉、羊肉、生薑。
治療上祛寒排毒，可藉刮痧及火罐方法。
消暑除濕建議湯水：
冬瓜海带湯
做法：冬瓜及海带洗淨，可以加鲫鱼一條及豬肉，一起煲湯兩小時食用。
功效：冬瓜性寒凉，可清熱利水，消水腫解毒，生津解渴；海带味咸性寒，同樣具有清熱利水，養生止血的功效；鲫鱼性味甘平，能夠健脾益胃，利袪濕止渴。
喵喵舌苔好sexy！
——————————————————-
本週《MORE》專欄精采內容：
至激嶄新瘦面回春術 韓式面部埋線
埋線瘦面？真的嗎？此技術卻始創於韓國醫學界，屬注射式微創醫學美容，率先同大家披露，詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。