一個書展，兩本著作，今日正式面世！
心情當然是興奮莫名，
大家都準備好今晚六點來書展參加我的簽名會嘛？
不過更興奮的事，都不及今次出書的龐大宣傳，
我的個人肖像將會出現在戶外廣告板上：
隆重其事！這幾個月會有巨型外牆Billboard恭賀我首本個人著作面世，位於拉斐特Lafayette Wedding外牆---窩打老道40號彌敦道交界，大家途經不妨望多兩眼唷！
在拍攝這個Billboard宣傳照時，就連書都未印起呢！
（直至寫blog呢一刻，我都未睇過書本實物），咁宣傳照上、我手握的書又何來呢？
咪就係：
正面是紙張彩色列印，底是用foamboard製成，模疑挺身效果。
負責我的宣傳照、兩本書的扮靚組合，分別係Chok Chok Chok指定髮型顧問Ritz Lam，以及我的個人御用化妝師Soip Ip！只要是由他們負責的妝髮，我都好有信心。
在我的著作內，就會有一part behind the scene 介紹他們的威水作品！
在我的著作內，就會有一part behind the scene 介紹他們的威水作品！
影完相，跟住就係揀相喇，不過.......好難揀呀呀呀！
最搞笑係，影咗半粒鐘近50張相、擺盡不同pose，點知一致讚成用最初試位嗰張，最perfect，早知唔使影落去，破拍攝進度紀錄啦！
睇下張相有乜唔同？咪就係部DC囉。
家中Pentax Q仍然最細最型最fit啱我拎出街玩，至於工作夥伴，已經唔係我用開嘅Sony NEX-3，因為呢部相機已經喺兩星期前遭遇不測，被我愛貓玩死咗，從桌上掃咗落地下，捱唔住跌爛了！錢啫......可以揾得翻，我係絕對唔會啤或鬧或打我愛貓嘅！
對於每日都要用相機的我，當日立即飛奔去蘇寕影音店，聽咗好多專業意分析下，揀咗呢部Panasonic GX1。果然冇介紹錯呀，好用到不得之了！日後會再詳談買機經歷及用後感分享。
至於我在《醫學美容儀器天書》中cover所穿的衫，其實都幾鬼馬，同我以前影開的fashion styling稿一樣，鏡頭背後的真相，往往係殘酷的！
質地方面，是皮革＋鏡面！我的構思是這樣的，封面上的衣服，要型格及cyber，喻意今次書中所介紹的醫學美容儀器，都是高科技高水準產品。呢件衫係我特登搵人訂造的，趕工就緊係要細細件啦，由於太sexy，所以拍攝時用tube dress打底。
一連三日都在分享我的個人著作事情，加上緊張及興奮的心情，難免在言詞表達之中，有些重要的資訊或消息，未能準確表達出來。在我這個blog、微博及facebook page中，便有不少讀者查詢限量版的購買時間、方法，或者在哪裏購買？在邊一個攤位舉行簽名會？普通版有冇禮物？海外想訂可以嗎？....諸如此類的問題。
在此，清清楚楚給大家來一個總結：
1. 如想購買限量版《醫學美容儀器天書》並獲得限量版的禮物，
發售日期、時間及地點如下：
日期：7月18日 6:00pm-6:45pm
地點：會展Hall 1 紅出版1A-D16
有關限量版《醫學美容儀器天書》的禮品，可參考以下這個連結：
書價$88送千元護膚品！我的首本個人著作《醫學美容儀器天書》登場
而普通版都有美容禮物附書，本本有份，永不落空！7月18日在書展開始營業時有售。
2. 如想購買限量版《美肌瘦身秘笈2》並獲得限量版的禮物，
發售日期、時間及地點如下：
日期：7月18日 7:00pm-8:00pm
地點：大會簽名區--博覽道入口大堂
有關限量版《美肌瘦身秘笈2》的禮品，可參考以下這個連結：
Yoko＋Winnie《美肌瘦身秘笈2》會場限定版公布
而普通版都有美容禮物附書，本本有份，永不落空！7月18日在書展開始營業時有售。
請注意！兩本書的簽名地點都不同，即是兩本書的限量版發售地點亦不同，敬請留意。
去到「紅出版」攤位，又或者搵唔到路，請認住以下呢塊人咁高的backdrop，仲有大大塊foamboard，就知道我的簽名會所在地方！
陣間見！
—————————————–
本週《MORE》專欄精采內容：
拆解醫學美容技術
激光、彩光和射頻都是多年來醫學美容範疇上非常重要的技術，拿捏準繩可以減肥塑型、瘦面緊緻、美白嫩膚、減淡皺紋、撫平凹凸洞、去暗瘡及脫毛等等。那麼三者有甚麼差異呢？？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。