咩事場面咁盛大？有video man、photographer、仲有成堆人起哄？
當大家估緊係邊位明星咁惹人注目......其實係「化妝界明日之星」呀！
事緣我身在北京之時收到what's app，是一位名牌PR邀請我擔任評判，為他們品牌旗下化妝師評審，深感榮幸，加上有意義又好玩，我當然一口答應啦！
這就是LANCOME舉辦的化妝師比賽現場，非常認真有氣勢的台燈設備、模特兒及負責頭髮造型的L'Oréal Professionnel，還有重量級身分評判，哈哈......我並非形容自己，而是Loreal Group三位品牌高層坐鎮----
Lina Ly, General Manager, Loreal LUXE
Juliana Chung, Deputy General Manager, Loreal LUXE
Janice Chan, Lancome Brand Manager
(+magazine editor Winnie)
(+magazine editor Winnie)
由台行到評判面前，是放膽也是最佳吸引注目的技巧。
尤其是呢位化妝師輪廓幾精緻添！
這樣的比賽是品牌第二次舉辦，旨在俾個機會一眾in-house化妝師表現潛能及提升各方面技巧。當日有10位參加者，原來他們為了呢次比賽，經歷了幾個月的訓練，俾著我肯定精神緊張呀！
每位參賽者我要即時給予多方面表現評分，才歸納整體分數，好仔細認真，唔係講玩，我唔想破壞有潛質者前途！
令我印象深刻是有位化妝師話：「搽LANCOME XX型號唇膏，就好似飲完紅酒無抹嘴，跟住親吻愛人咁sexy！」另一位話：「大家知唔知，邊個牌子睫毛膏銷量No 1？」全場齊聲高呼「LANCOME！」哈哈....好識製造氣氛呀！
結果，三位挑選出來的得獎者及所得獎項榮譽是：
Cherry 最佳表現
Bella 最佳演繹
Yan 最具優雅
除了獎狀，仲可以獲免費機票到海外接受專業訓練啊！Trainer笑言：「有免費機票去，但唔知有冇免費機票返來喎！」鬼馬！
有人歡喜有人愁，得獎的固然開心，她們還喜極而泣，場面感動搞到我都眼濕濕，而即使輸掉比賽的，有機會吸收實戰經驗，也就是獲益良多。
俗語謂「有競爭至有進步」，又一次令我深深體會到。
本來我諗住做好評判本份，比賽完結就完結，卻因為過程有好多感動位，見證他們同事間相處氣氛很融洽，高層對員工深切鼓勵，說出記得他初入行與現在進步很大，呢枝強心針遠勝過真金白銀。故此，我會有這篇blog文分享，就連現在每每途經LANCOME counter也會留意他們呢！
——————————————————————————————————————-
本週《MORE》專欄精采內容：
港台美容節目 神級家用版導入器
醫學美容盛行，連帶家用版美容儀器也挾著熱潮起勢推出，射頻、電流、光療、超聲波等技術，在家也可以自行操控做專業護理，今次會介紹甚麼家用美容儀器呢？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。