當時我是介紹 Shu Uemura 的泡沫妝前底霜，估唔到咁得民心！
回顧舊裝：
咁靚嘅樽身是由知名攝影師兼導演蜷川實花設計的。
事隔差不多一年，又有新花臣，Shu Uemura兩款皇牌熱賣產品玩舊酒新瓶，睇嚟品牌主腦非常深明女士們個性---貪新鮮、愛包裝，故此久唔久又會搵名師crossover，為皇牌產品換個新look，搞到未用完都撲去買多支珍藏呢！
以下呢兩款產品的確好出色，尤其係潔顏油，我若然化濃妝無佢幫手卸妝，直頭唔安樂呀！
佢就係最新登場嘅妝前泡沫底霜SPF30PA+++，我嘅精明眼見到樽身鬼火咁靚之外，仲洞悉呢支妝品由$330加到$340，十蚊啫，通脹下，都唔算過分吖！
樽身呢件華衣，是來自當代和服藝術家豆千代設計，叫做「春-花蝶」系列。
櫻花代表純潔、可愛、高雅；條紋充滿現代氣息，兩者結合又出奇地匹配喎！
淡雅粉紅泡泡，一如以往我形容：質感清爽透薄，單塗已可矯正暗黄膚色，透出粉紅健康神采，再於T字位撲上碎扮，極適合家陣超潮濕天氣使用。
乾性皮膚用佢，建議先塗足夠水分乳液打底，否則難推得均勻。
意念抽象，唔明唔緊要，否則你我都係藝術家啦！
Shu的卸妝潔顏油原來喺1967年已經面世，是日本首款油性潔顏產品，原意是一個步驟已經可以徹底卸走厚重舞台化妝，而肌膚仲可以保持潤澤滑溜喎！
相信好多女士們都用過，我當然唔例外，多款潔顏油各具不同成分效用，包括藤蘿保濕型、櫻花細緻毛孔型、梅花美白型、綠茶抗氧化型，至得我歡心係後者，因為綠茶抗氧化保護即等同為肌膚去黄及抗衰老，合晒我意，加上呢款是舒緩保濕配方，用後清新不黏立，感覺很乾凈。$635／450ml
咁靚嘅樽好值得循環再用，用完後要嚟放沖涼液先，美化浴室呀！
———————————————————————————————————————————————
本週《MORE》專欄精采內容：
媲美Thermage 瘦面緊膚機Exilis權威登場
有一部美容儀器的功能猶如射頻電波拉皮皇者Thermage，但價錢只是它的三分之一，名叫Exilis，專治皮膚鬆弛、虎紋、雙下巴位。詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。