今次旅程當真非常難忘，我真切體驗到甚麼叫做「寓工作於娛樂」，萬分感激《新假期》雜誌及The DBS Black Card，促成今次工作玩樂團，及細意悉心安排，yeah！
帶大家到泰國精明消費，是我今次被委派出trip的工作，簡直易如反掌呀，究竟有乜護膚品、服飾係必買、又有咩嘢食係必食？
等我好好整理豐富內容，日後至同大家詳細分享啦！(已收到幾位讀者電郵我，問及有關泰國必到之處，so sorry.......請耐心等待！)
今日先同大家分享「泰」高興之旅工作花絮啦！
去到機場嚇一跳，使唔使咁巴閉呀！
成個牌棟喺度：The DBS Black Card包機專用通道，貴賓式款待，唔使同人迫，勁！
仲整埋個特大椰青道具迎泰國，成為拍照景點，really funny！
呢張特大道具機票「私人包機遊曼谷」，在旅程中最受歡迎，人人搶住同佢留倩影。
Check in counter鋪晒banner，係DBS及《新假期》logo，浮誇又認真的製作！
我今次獲邀以嘉賓身份同遊，恭賀得獎幸運兒Amy，她的大禮就係免費帶同120位朋友暢遊泰國。大家一定好想知Amy玩咩遊戲得到呢份大獎，咪就係用The DBS Black Card簽賬抽中囉，我問晒料，珍珠都無咁真呀！
原來呢張咭launch嗰時，係送法拉利，堅車非模型喎，結果得獎幸運兒是位60幾歲的教授！睇嚟，我要即刻申請呢張咭至得，話唔定下次中獎嘅係我呀！
第二天出發工作，《新假期》及DBS安排了租車服務，方便我前往不同目的地進行拍攝工作，一整日車資連司機要成4位數字，在當地消費而言確是很高啊！內心很感激他們細心安排，令行程更舒適。
這店是專賣由天然植物提煉護理產品，在泰國享負盛名，原來好多間高級洒店用品是其OEM，售價卻是極抵買，想知乜東東？遲D至話你知！
呢間醫學美容中心仲巴閉，創辦人女醫生喺泰國勁出名，專幫知名人士執靚皮膚，我專誠購買她研發的精華素.......又喺遲D至話你知！
今個工作旅程，我主要係用Pentax Q，因為機身靚仔夠細又輕巧，是全球最細可換鏡頭相機，仲有好多內置filter，輕易拍攝出特別又好玩嘅效果，又喺遲D至詳細解構俾大家知啦！
明天再續......
———————————————————————————————————————————————
本週《MORE》專欄精采內容：
期間限定 必搶心儀名牌妝物
有內在美兼夾有外在美，特別討人歡心！美容護膚妝品如是，具實用性且包裝設計富有創意的，必能令女士們愛不釋手。Anna Sui、Paul＆Joe、Dior的三款新品，皆以限定品掛帥，不但令我一見傾心，試用後覺得效果非常好。詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。