Yoko Tsang 香港美容及食療專家: 2012 曼谷食買玩好去處推介！Vol 1

我上個月去完泰國曼谷一轉，收集咗好多筍料要報告俾大家知。

精打細算係我強項！

五花八門美容優惠幫大家揾得多，今勻連出 trip 用邊張信用卡我都有好推介呀！

去旅行／工幹，我從來只會帶備一至兩張 credit card 旁身，怕大頭蝦遺失嘛，必然伴隨的當然是out town著數多多的 credit card。

而我最近在機緣巧合下才得知 The DBS Black Card 原來咁巴閉，經常搞浮誇禮品獎賞，送法拉利車送機票呀….. 可惜我miss咗機會，期待下次送埋豪宅啦！咁都不特止，呢張卡仲極啱我呢類「海外購物狂」享盡優惠添！

《新假期》雜誌免費睇？

每次出trip去機場，入閘後我首先會到 Page One bookstore 免費攞本《新假期》雜誌，然後食碗翠華魚蛋米線。點解有得免費攞雜誌？呢D就係細心位囉，The DBS Black Card 驚大家等機時悶…… 喺Page One cashier 個位show吓張卡同boarding pass，就得喇！

Really crazy！相信The DBS Black Card 係全港至豪爽，送出嘅禮品從來絕不手軟。

以最新玩意為例：3月1至5月31日累積簽賬金額最高的40位，以上30萬禮品係属於佢哋喇！

我想要十萬飛行里數、 GALAXY Note、MIKIMOTO 珍珠護膚品 ........發緊夢！

我 check 過幾間大行 credit card，回贈堪稱至 jetso 又係佢：

只需本地簽帳HKD$6就可以兌換1里數，而海外簽帳兌換率更低至HKD$4就可以換到1里數。我知其他信用卡本地簽賬，至優惠都只係$8至換得1 里數咋！

分數儲儲埋埋換 mileage，至正仲唔使俾手續費呀！

係咪好吸引呢？而家申請呢張卡，最 update 迎新優惠係送贈高達32,000 miles；每星期仲搞抽獎，有機會贏得額外120,000 miles 。唔使錢去旅行有邊個唔想呀？！

凡事兩面睇，提醒大家 The DBS Black Card 係 AE，唔係度度都有提供此簽賬服務呢，可謂美中不足囉！

正式帶大家出發喇，即睇曼谷有咩食買玩好去處，分享我盡情享樂之旅！

第一站：

最新大型shopping mall ---- Terminal 21

Address：2,88 Sukhumvit Soi 19(Wattana) Sukhumvit Rd. North Klongtoei, Wattana, Bangkok 10110

Terminal 21是剛剛1月才在曼谷開幕的大型商場。我從最高層拍攝下來，

最特式設計是橫跨兩旁的袖珍版天橋，放置了模型車，很奪目，成為熱門拍照位置！

商場店舖每間也是細細的不足一百呎，時裝配飾款式多元化，普遍價位如 TST利時商場。

呢間cafe裝修精緻，吸引我駐足凝望，可惜當時因趕住為《新假期》拍攝工作無綠相聚，希望下次有機會試試啦！

拜訪店舖一：Akaliko ( Terminal 21 --- 3/F, 3127)

去泰國又點少得買當地平靚正body care產品呢！

我揀 Akaliko 掃貨，因為知道好多五星級酒店都係同佢哋 OEM，品質有保證，價錢卻很相宜，而且揚名海外，好多日本人去泰國都專登嚟上倉呀！全部身體護理產品成分取自天然，敏感肌都適用啊！

心水嫩肌孖寶

Body scrub＋Body lotion

身體磨砂用得多，呢款較特別，先講磨砂顆粒，也是純天然非化學，用上海中生物藻類，曬乾混入，去角質兼具去水腫效用；body scrub有四款主打成分，我無須左諗右諗，一定揀椰子油，因為椰子油主要成分是月桂酸，有助提高免疫力，而且滋潤度最高，令皮膚光滑又柔軟。(約HK $60)

質感好creamy，顆粒很幼細，沖涼磨完皮膚感覺好滑溜又潤；仲有濃濃椰子味，I love it so much，但同行《新假期》攝影師就話最怕椰子味，太甜太膩……haha。

磨砂後應緊接潤膚步驟，我習慣沖完涼「印」乾身即塗乳液，以立即封鎖水分；緊記動作是「印」，不要「抹」，否則會擦傷皮膚表面。

呢支body lotion都係全天然成分，用上橄欖油mix乳木果油，聞落似檸檬味多一點，好清新，質地好水感，易吸收唔立又夠保濕。(約HK $80)

賣斷市睡眠噴霧

呢支係絕無僅有 Akaliko 鎮店噴霧 Pillow Mist--- 薰衣草味香薰，用作睡前噴在枕頭上，舒緩精神放鬆入睡，最過癮是氣味只能維持15分鐘，即係限時催眠術？我枕邊人是工作狂壓力煲一名，佢試用咗半個月都覺得有D效果喎！

我呢支係店舖老板專登留俾我(好在，我出發前已告知會拍攝他們)，而同行《新假期》工作人員想買都無辦法喇！我唔捨得割愛….haha。

呢支噴霧仲榮獲泰國多間高級酒店賞識，貴為房間指定產品。(約HK $80)

拜訪店舖二：Dr. Younger (Terminal 21--- 4/F, 1043-1044)

我今次專登拜會泰國非常著名醫學美容醫生，她最新開設的 clinic 位於 Terminal 21，我並非諗住越洋做光學treatment，其實為的是購買由她研發的美肌護膚品。

Clinic內電視不停播出最新儀器資訊，圖為電流緊緻瘦面，

電流棒包住棉花同步導出毛孔污垢以潔凈。

陣容強勁，Leaflet 足足有18款療程針對肌膚不同問題，如緊膚機王 Thermage、Dermalift 電動微針、注射 Restylane、Lipo Control 減肥塑身儀等等，大部分我已經在blog或專欄上講解過了，基本價錢是泰國較平，但也不及我在香港為大家爭取的 special offer 呢！