打從5至6月分，同大家分享咗7篇有關心水面膜產品，事隔幾個月又有新嘢、好嘢推介俾大家。
保濕面膜有數以千計N個牌子，曾經被我力讚的有歐洲醫學品牌王者SkinCeuticals的水合維他命B5面膜 (重温：「面膜餐單」 Round 4—保濕至強！) ，細細支售六百大元，日日敷都幾肉赤……所以為咗大家同埋自己(haha)四圍揾平價代替品。
今日介紹出場的面膜，何止敷埋條頸、敷埋手臂都唔心痛呀！
賣點都是玻尿酸保濕，質地都是透明啫喱狀，只須Skin C約五分一價錢，即百多元，同等容量，大家係咪諗緊都唔知咩成分、同咩牌子呢？
我推介得大家產品梗係有backup啦……
Neogence 玻尿酸保濕舒緩修護凍膜 $132／75m l (莎莎有售)
上網竟然俾我揾到呢張相！佢哋嘅造形同埋pose好pro呀！
Neogence是台灣三大醫學品牌之一，由皮膚科權威團隊研發，有皮膚科醫師、藥師、博士，
最出位是從醫學角度研發「傳導科技」，即係營養成分點樣至可以被皮膚底層吸收。
此保濕面膜主要成分為玻尿酸(台灣專稱，即透明質酸)，質地較Skin C薄身及水感，敷上時於表皮層形成水薄膜，即時pump up水分改善乾細紋。還加入芍藥、小葉椴、山金車菊、歐蜀葵、海藻、蘆薈及甘草酸鉀等七種天然舒緩因子，是日曬後及光學後都啱用的舒緩修護；號稱凍膜，其實是台灣慣稱---果凍面膜(多謝Kelly話我知)，恰似Jelly texture mask，我會塞佢入雪櫃冷藏備用，凍敷可幫助緊緻毛孔嘛。
使用貼士：每星期兩次，要喪厚咁敷，因為質感很水太快被皮膚盡吸，待20分鐘用水清洗便可。
上述是否極緻保濕？老實說，以價錢論成效也算不俗了，勤敷也見效用的；若然有重要function出席，我會有other choice，下一回有強勁急救面膜推介，俾個心理準備大家......一分錢一分貨呀！
————————————————————————————————————————
本週《MORE》專欄精采內容：
隱藏超級無敵黑眼圈秘技
黑眼圈易請難送！成因分先天和後天。4個步驟結合我心思熟慮及反覆測試，想知怎樣隱藏超級無敵黑眼圈秘技？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。