我問身邊十個人九個都會答：「有！」
原來皮膚敏感數字日益加劇已屬全球性問題，成為第四大病症！
敏感徵狀除了是嚴重乾燥、爆坼、泛紅、多暗粒、痕癢、破損外，泛指皮膚無啦啦紅一撻、腫起似被蚊針，托賴……我算是歸入後者小兒科之列，常見於空氣多塵埃之環境(受刺激)，或是做完激進光學頭幾天(因缺水) 。
含類固醇藥物不在我分享範疇，有效舒敏防敏的「救命面霜」，才是我想推介俾大家的。
其實以下呢條問題，由我開 blog 以來收到不計其數：
「皮膚敏感很困擾，又紅又痕又乾，請問 Yoko 你有咩好推介呀？」
我絕大部分回答是：La roche-posay、Vichy、Uriage、Avene，因為全部都係成分天然，含主要礦物泉水舒緩敏感，而不同品牌提取自不同地區泉水，能針對不同皮膚困擾各具耍家治療效用。
以上幾款品牌多廣告、多銷售點，三言兩語便能對號入座；而今日呢盒「救命面霜」牌子，喺法國就勁，但相信講出嚟香港都無乜人會話識，唔想大家錯失好嘢，所以決定要出多點筆墨揚開去。
法國 Phytoceane (音：揮-滔-是-end) 要讀到捲晒脷、聲調由重至輕(sexy D)，至夠傳神，哈哈！
先簡介品牌Phytoceane gossip俾大家知啦！
嘩！靚到 poster 咁係邊度？
品牌 Phytoceane 老家--- 法國知名聖馬路海灣，屬自然生態保護區，無污染大自然啊，當地
盛產生蠔，Oh....又扯咗去食嘢添，應該係帶出品牌100%天然純淨 ，在此生產的護膚品富含海洋活性成分，絕無化學原料及動物原料啊！
在法國好矜貴呀！說的是地位不是價錢呢！Phytoceane 是皇家指定水療品牌，已有20年歷史，家陣擴展至全世界22個國家都有足跡。
呢支係品牌皇牌爽膚水(Oceabasic-Invigorating lotion)--- 有「免疫力水」巴閉稱號，開宗明義至勁係能夠提升肌膚的自我保護力，對抗外來侵害，是敏感人士吊命水。
雖然我無用過，但朋友V係長期 fans，他們全家都是 sensitive skin，每次洗面後又乾又痕就會用棉拍上大量，向我勁讚試得過……就係呢個原因，所以約一年前我上網 search 呢個 brand，想知來龍去脈嘛，雖然無專門店，但香港有窿路買到的，結果我第一件試用佢哋嘅護膚品，係在法國熱賣的......
Phytoceane Hydra Soft Cream (標榜敏感皮膚特別合用，所以家姐又被我拖落水幫手做測試) ，命名為「水分抗紅面霜」，舒敏保濕功臣來自海洋力量，有機物珊瑚藻及叉珊藻，含高單位礦物質及微量元素精華；加上陸地植物黄金洋甘菊及岩薔薇，幫助鎮定消炎，舒解敏感情況。
先講我姐姐，早兩星期去咗做新 facial，不知就裡，瀨嘢，做完起先覺得面頰由底層暖熱出來，繼而痕痕哋，嗰晚即刻厚敷呢個 cream(用棉濕礦泉水輕印走過多分量)，幸好第二朝醒來無事，以佢平時呢種過敏情況，通常接連是機關槍般連環爆小紅瘡，及後嘗試深究因由，始知原來 facial step 2 有酵素成分，她皮膚超敏感，係要企硬...try 完衰硬！
話明係 soft cream 軟膏，質地真係軟滑似 mousse，感覺水感十足，極之輕盈，
肌膚易滲透無負擔，我通常喺彩光後厚塗當 sleeping mask，很保濕又可減輕敏感機會，
又或者轉季時驚皮膚唔適應，用番佢一排打好底子；
下年去韓國滑雪我必定帶備旁身，慎防乾敏。
近來轉季天氣開始乾燥，皮膚受外來環境刺激變得更脆弱易敏；不管大家是否已出現敏感徵狀，應小心選用能築起角質層屏障、打好肌底細胞健康的療效護膚品。
Shop list：
***推介心水產品之餘幫大家爭取埋心水價位呀！
Yoko’s blog readers 出示此文章列印本，可享獨家 7 折優惠。
Hydra Soft Cream水分抗紅面霜 原價 $810 /50ml，折後 $567
葵芳葵涌廣場G/F Shop A41A 2481 3903
銅鑼灣廣場1期3/F Shop311 2573 2238
————————————————————————————————————————
本週《MORE》專欄精采內容：
香氣魔力 神奇美肌瘦身功效
大自然植物具有很奧妙的力量！結合美容神經學及嗅覺治療法，可以激發歡偷、放鬆心靈、深層滋養、殺菌淨化、增進血行、排毒瘦身……效果意想不到！
精挑細選幾款各具妙效的心水推介產品給大家試用，詳情請留意今期《MORE》雜誌內我的專欄。
facebook：香港美容專欄作家 Yoko Tsang
*
沒有留言:
發佈留言
注意：只有此網誌的成員可以留言。