大半年前，西環有間叫「鼎煌」的火窩店開業，挾著與我至喜愛的台灣神級火窩店同音，引起我一試興趣，初試食物真的用心經營無懈可擊，我仲寫埋篇blog撐佢，再隔多幾個月拉埋兩圍好友捧場，點知已不復勇，深感可惜。該店老板曾吐苦水：「想堅持入靚貨，但成本愈來愈貴，該區消費力不高，定價又要就住，唉……」
我這個火窩痴又少咗落脚好地方，好在一雞死一雞鳴，今日推介俾大家嘅火窩店，新開無耐，食物質數好、價錢又適中，難怪《新假期》食組編輯、《MORE》揸fit人都向我大力推薦。
上星期五終於試咗喇！店名改得幾風趣，叫「滾得棧」，有理由相信必是男性起朵的！
共有兩店舖，分別位處天后和深井，希望大家唔好同我爭位，天后將會成為我飯堂，今個星期五本來想 book 八時正八位，點知 fully booked，要捱餓到九點呀！
捱餓？哈哈，No way！我會重覆上星期食物路線圖，第一站係呢度……
台北著名街頭小吃「豪大大雞扒」就在「滾得棧」隔離，上星期五我先掃咗一件新鮮熱辣 juicy 雞扒，再轉陣狂風掃落葉式試盡「滾得棧」必叫菜式，實在太滿足喇！
(按：「滾得棧」年青老細見我邊等位邊歎滋味雞扒，奉勸我：「再食......陣間食唔落我哋嘅嘢喇！」佢實在太睇少我個胃容量，我當時戲言：「咁仲唔俾位我？！」
我打邊爐例牌先點刺身，三文魚係我 favourite，呢碟上枱時色澤非常一般，心諗唔掂喎，食落口至知以貌取人真係唔啱呀，充滿油香、非常滑溜，味道好鮮，是上等貨式！
店員建議我們必試鎮店菜式---油炸鬼釀墨魚滑，ok 聽佢講試試，我覺得油炸鬼可以再脆口D，墨魚滑相對好味得多，夠彈牙和濃味。
我們一行四人都幾「重口味」，湯底揀選了胡椒豬肚湯拼四川麻辣湯，不同辣味層次。我其實係完全食唔到辣，但都用幾片牛肉試咗四川麻辣湯，果然如朋友所言麻而不算辣，他們大讚味道 very good wor！
牛肉粒外形一般，切角位唔靚仔，肥瘦不均，勝在夠腍、肉味夠濃，唔錯呀！
鮑魚仔除咗果皮清蒸，我覺得用嚟打邊爐亦好好食啊！至緊要掌握火喉，如呢個 normal size 已了花，只需大滾下一分鐘便可以享用，鮮甜及彈牙，overdone 便會韌又嚡口。
呢度雲吞是自家包製的，皮算薄蝦爽口夾雜少肥豬肉，啱晒我口味的組合；但仍比不上「不倒翁」的水餃皇呢！
另一推介必試是師傅每日新鮮打製的蝦丸、墨丸及牛丸，我一向打邊爐唔多食普通丸類，覺得浪費 quota，但呢度蝦丸 must try，我個一人食咗 5 粒，口感彈又爽，蝦夠新鮮。
帶子片雪藏貨無乜特別，勝在刀工好，一粒切成牽連住三片，夠大塊不會滾一陣唔見咗蹤影。
鱔片則相反，是新鮮貨，但刀工差，非常多幼骨，食到無癮！
埋單連埋蔬菜及酒水，每人 $250，算抵食了。
火窩外，仲有午市點心供應，下次我仲想試埋「佳哥生炒糯米飯」，希望水準拍得住火窩質素啦！
————————————————————————————————————————
本週《MORE》專欄精采內容：
香氣魔力 神奇美肌瘦身功效
大自然植物具有很奧妙的力量！結合美容神經學及嗅覺治療法，可以激發歡偷、放鬆心靈、深層滋養、殺菌淨化、增進血行、排毒瘦身……效果意想不到！
精挑細選幾款各具妙效的心水推介產品給大家試用，詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。