———————————————————————————————————————————-
本週《MORE》專欄精采內容：
搶救容顏 美肌妙品
姊妹們，相信大家也洞悉到每月M事，除了會影響心情，肌膚難免出事，歸根究底，「時令殘樣」是由於……，點樣打救？敬請留意今期《MORE》雜誌內我的專欄。
2011年5月19日星期四
轉頭轉妝轉形像！
噚日做嘢要喺 i-phone 揾舊相，發覺自己兩年內個妝同個髮型都好唔同，唔介意公開俾大家睇吓！
呢期鍾意戴帽扮日系，貪舒適零妝素顏中環預約試婚紗，五官即刻唔見咗，我記得係2009年9月嘅事！
呢張係我跳去最後嗰本書做嘅時候員工證照片，膽敢換形像齊蔭剪，應該係2009年12月嘅事！
嘩！自己都嚇親，做同事結婚日姊妹，化咗日系濃妝，睇番好似好惡咁，個髮色又太啡好唔自然呀，直髮當時捲曲咗，又係2009年12月嘅事！
去完日本瘋狂購物後，返港即刻著晒上身，戴咗當時日本買嘅大熱絲巾head band，估唔到好多女性朋友都話想要，是2011年2月攝於世貿中心。
都係日本shopping後至買到嘅大蝴蝶結頭飾，是麖皮好型，但覺得有點誇張，去飲宴先戴咋，至今玩過一次咁多囉！是2011年3月嘅事。
上面至話去飲，相隔十日又係去飲，我嘅前蔭話咁快長咗咁多，都係呢個九一分界啱我 D，最順眼同襯面型，同樣是2011年3月嘅事。
最新髮型已經可以做到all back頭喇，呢個係去做 guest speaker 前用手梳住先，再去Private I搵Teddy set頭。新鮮熱辣上星期嘅事！
訂閱：
發佈留言 (Atom)
沒有留言:
發佈留言
注意：只有此網誌的成員可以留言。