推回幾日前，亦即星期五，因為早與 Amway有個約定，所以務必赴會；此外，還有一個重任，就係要帶埋媽咪去，做乜嘢？
就是 body check 喇，大家對 Amway 的認識可能只限其千萬種營養補充劑、元祖級入會制度，我媽咪就係佢哋手洗潔衣粉和牙膏的長期用家 (因為夠純正天然)，而我就因為品牌 beauty products 'Artistry' 而結緣，上年仲喺北京訪問咗神級化妝師 Zing。
今次到訪的 CWB 店，是剛剛大裝修完畢，樓上一層就係主要提供 body check 及 skin test，儀器夠新又夠pro，所以一定要帶埋媽咪齊齊 check check！
我皮膚測試就做得多，骨質、血管、脂肪等關乎健康指標反而就極少 check 住，所以事前都有D緊張呀，驚唔達標嘛！
肌齡早已有答案，body age 又如何？
先與營養師會面，講解流程！(哈！營養師非常斯文又超級瘦削，感覺特別專業。)
我做咗呢樣嗰樣.....差不多成45分鐘。
呢刻我想即刻瞓著！
咁似健身儀器？
呢部機我在 Fancl 都做過，是 check 骨質。
結果......出乎意料之外呀！非常開心，骨質密度是 25 歲、血管年齡 22 歲、體質與脂肪相應年齡則是 27 歲，營養師都讚我 keep 得好！
其實我一向注重飲食，唔煙唔酒仲講究養生食療，唯一致命傷係夜瞓，所以肝應該唔多好(排毒自然差)，決定揾有效對症方法，推介埋俾大家！(等我向食療方面進發先)
同場加映：我阿媽逆轉肌齡！
我媽咪今次就威盡師奶界，因為佢做色斑、彈性、皺紋、水份度測試後，得出肌齡竟然係30-35歲，比真實年齡相差一大截，鼓掌！
大家咪以為我阿媽同我一樣沉迷美容喎！她皮膚易敏，一出去做 facial 按面就轉頭出一堆暗粒；懶...唔一定用洗面膏，有時淨係用水洗添；單單迫佢用棉塗爽膚水，都講咗 n次；敷面膜？一個月一次啦。
所以我認為皮膚靚唔靚，天生底子最重要，後天保養是輔助，當然，以現今科技要扭轉劣勢已非難事了！
P.S 我媽咪近 6年不停有我最好的護膚品孝敬佢，還有美肌貼士呢，大家千奇咪誤以為真係乜都唔使做都會靚呀！(咁我寫嘢以後仲有人睇？！)
Amway
香港銅鑼灣軒尼詩道468號.
電話：, 2881 8328
Amway
香港銅鑼灣軒尼詩道468號.
電話：, 2881 8328
———————————————————————————————————–
本週《MORE》專欄精采內容：
搶救容顏 美肌妙品
姊妹們，相信大家也洞悉到每月M事，除了會影響心情，肌膚難免出事，歸根究底，「時令殘樣」是由於........，點樣打救？敬請留意今期《MORE》雜誌內我的專欄。
夜訓又真係好傷的....
回覆刪除