一直以嚟，我認為在海鮮上最偉大的成就，就係識到「海鮮皇者」培哥！培哥稱霸流浮山，幫襯佢的名人不計其數，要知道做得名人，口味必定刁鑽過人，搵海鮮都與別不同，培哥都一一搞得妥妥當當，所以贏得「海鮮皇者」稱號。
我結婚當晚的table list，都直頭寫「海鮮皇者」四個字，當晚不知幾多人向我查問海鮮皇者到底係邊個咁巴閉，目的梗係想結識歎番餐啦！
剛剛過去的星期六，我同好友們又去流浮山探培哥，重點當然係大擦一番啦！
培哥醒大家海鮮格言：「不時不食，咪搵嘢嚟食！」
原來嚟緊呢三個月係最多超正海鮮食的當旺季節，咁就一於再安排多次「為食兵團」！
特別炮製海鮮大餐：
刺生以厚切方式上碟，原來切得太薄會冇晒咬勁，少少煙韌兼夾爽甜，開一開胃口。
以往食過的九節蝦都係得尾指咁大，今次升呢食到食指咁大隻，味超爽甜，今次有緣食到咁正九節蝦，真係三生有幸！
點知驅車前往時，收到培哥來電，話冇晒大尿蝦，事關泰國海鮮買手放假，全車朋友即時一齊失望到極，搞到培哥氹我哋話細隻一樣咁好食。
點知碟瀨尿蝦一上，咪同平時食開的手臂瀨尿蝦一樣咁大隻，有圖為證，真係唔細隻喎，唔通培哥本來準備的係「小腿瀨尿蝦」？
今次再encore，一斤重，新鮮游水中，培哥話喺出面食到都隨時被劏成七百銀呀！煎得香脆，肉鮮juicy，不過略嫌鼓油下得重手咗，略鹹，不過愛清淡只係我個人偏好，在場其他人食到手指公豎起晒。
另一味同樣呈金黄外表的菜式，是炸墨魚餅(呢刻食到太投入竟然忙記影相添！) 這是我曾經在屋企打邊爐時，去培哥的旺角海鮮檔買過，當日打邊爐已經覺得好彈牙超濃墨魚香味，今次改為炸上，又係惹味佐酒小品，呢道菜全枱一致盛讃水準超高班！
今次海鮮宴只係興之所致三日前預約，所以一行只得八人，多謝培哥破例陪我喪食懶理 keep fit成果，還有培嫂陪坐，她下嫁「海鮮皇者」，卻原來不好海鮮......哈哈真愛表現！
連埋其他菜式共食12碟，價錢嘛，以友情價計算，難怪培哥同我講：「同你食飯，我荷包最傷！」
教教大家，食海鮮，愈多人食愈抵食，每枱儲夠十至十二位就最好，人多攤分有著數，可以食多幾款，而且share價錢又抵 D嘛！
假如大家都想試下流浮山海鮮皇者的實力，不妨直接打俾培哥，話係Yoko介紹，一定有特別招呼同優惠！
流浮山小桃園
培哥 電話：9830 2567
———————————————————————————————————–
本週《MORE》專欄精采內容：
法式滅斑換出新肌
色斑種類繁多，邊種至係惡搞色斑王？答案是荷爾蒙斑，若然有方法搞掂佢，豈不是其他色斑家族都可以清除？敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。