黑眼圈深者，講真遮瑕膏遮極有限，最衰仲愈遮愈現紋；大眼袋者更加無法掩飾，惟有安慰自己眼大所以眼袋至大囉！
我決定的起心肝、用心專研，找出解決眼部肌膚問題之方案，付出比穴位埋線更大工程更大努力，當然係希望幫到自己、也希望貢獻大家呢！
一支竹易拗斷，兩支、三支、四支結集起來就會有强大力量，所以我籌備的護眼工程務必是全方位的。
先報告我的初步行動：
三星期前，我從N款醫學美容機中，挑選了兩部，是最能針對眼部問題的medical grade儀器進行療程，一部可以緊緻去幼紋，而另一部則是針對減淡色素及嫩膚，每相隔兩星期做一次，絕對不可以心急，因為肌膚組織有機會抵受不住熱力而burn，那就喊都無謂了；況且要有足夠時間讓身體新陳代謝方見成效，密密做都於事無補！至於每次做邊部機，我會根據當時眼部問題之急切性而定。昨天，我做了第二次eye treatment喇！
按眼---
上星期開始，我每朝早晚各用了1分鐘按眼，千萬別看輕這一點，先講自我振奮成效，好 sure 黑眼圈因為咁極速減淡咗三成，尤其是後半部(也許是眼頭位成日按唔到所致) 。這方法是我結集有生以來、被衆多不同國籍按摩師按後經驗所得，挑選至易做、速見效之法，如下：
***若然勤按一星期都無改善，必定係有錯漏，請小心留意附圖字眼。
用咩工具？
用手指節位，可以是食指或中指，個人認為中指力量大D，相對來說即係唔使咁出力嘛！用手指節位目的是按在深層肌肉，不是表皮，既有效暢通淋巴，也不會令皮膚鬆弛。
點按呢？
位置：只集中眼圈半圓外邊，以手指節位拖行之時會feel到好似有一粒粒米，那是淋巴不通所致，按到呢個feel就證明啱喇！
方向：在眼底由內向外(即眼角向眼尾)，切忌返轉頭，因為不依據肌肉紋理會拉鬆皮膚。
力度：力度適中便可，太輕力又無用、太大力會傷及皮膚。
完成後該部位應泛紅一陣間，而且有D熱，代表血液循環加快緊，可放心兩、三分鐘便會散。
我覺得比起用刮棒工具好，因為唔會起莎留痕！
大家勤做以上按眼動作，千萬別忘記先塗上眼部精華，分量一定唔慳得，要很水潤才可配合按摩動作。揀咩牌子咩產品至work？我當然配合勁有效的眼部精華打底，由於上圖產品是知名瑞士品牌委派我做測試，請恕未係時候公開，公開咗都未有得買呢！先預告開心滿意成效：用咗三個星期幼紋淺晒、暗啞即刻改善，真係非常滋養，成分女士們一聽必冧，敬請密切留意我嘅進一步護眼文章。
稍後，我更會嘗試漸進式注射療法，可以逐步令眼部肌膚年齡逆轉。我膽敢試呢種科技，因為親眼目睹身邊幾位約40＋阿太，全臉皮膚本來敵不過自然定律而鬆弛、出皺紋、現倦容，做咗一次已經效果奇妙(一般療程是三次)，令旁人讃歎！有晒實證，醫生便告知我可以只於眼周施針，針對改善眼部問題，仲話唔信可以做一次測試便知成效。當然，安全最重要，這點是我對該位醫生及天然成分有信心才會試呢！雙眼回春，很期待……
以上逐一詳細資料及成效會逐步公開呢！
———————————————————————————————————–
本週《MORE》專欄精采內容：
穴位埋線 減肥報告（下）
所有關於穴位埋線減肥的成果，都會完完整整地在這篇專欄中刊出，究竟我減到幾多？中間發生的故事點滴又係點？敬請留意今期《MORE》雜誌內我的專欄。
Hi Yoko, do you have any recommendation for good everyday eye mask? thank you!
回覆刪除