年頭叱咤樂壇流行榜頒獎典禮的主題是「樂搞叱咤」，取其「惡搞」的諧音。
年青人喜歡惡搞，他們結集在高登論壇，爆發出的惡搞創意的確非常好笑，例如超經典的「希特拉都 cut 唔到有線」。
叱吒當晚都以此借鏡，拍了段「希特拉都冇叱咤飛」。
而更多的惡搞，則來自改歌詞，至緊要抵死啜核兼諷刺時弊，例如小克改編陳奕迅〈一絲不掛〉變〈一支得啩〉。
同埋前排我最喜愛寸「明將壽司」勁難食的〈明將戰友〉。(未睇過真係要睇，笑爆！)
笑完，認真諗，如果有人開班教「樂搞」，會係幾咁funny！
而原來，呢個世界真係有人開班教「樂搞」，兼且一D都唔兒戲添，正確而言，是有正统音樂學校開班教人填詞。
這間叫「伯樂音樂學院」Baron School of Music，是由一班專業人士開辦和教授，林夕是總監、金培達是顧問、伍樂城是院長，粒粒紅星。
帶大家睇吓我上堂情況：
負責教我哋的導師是徐繼宗，很出名喔，經常同衆巨星合作，填詞作品包括劉德華 《I Wish》、與劉德華合寫歌詞的《十七歲》、《一晚長大》等。
以下列出的知名作品更是由他作曲，哈哈…相信你我在卡拉ok都點過n次呀，e.g. 容祖兒《心淡》、《出賣》、《分身術》 、楊千嬅《我在橋上看風景》、古巨基《Be My Valentine》、薛凱琪《男孩像你》等。
上堂過程非常 funny，宗sir會運用令大家容易明白與記憶的教學方法 ，例如學基礎九聲好似好悶咁，就教我哋記住----「三碗半牛腩面一百碟」，因為呢9個字既音就等同九聲喇！佢仲將呢句子做示範哼出高中、低平、中去等聲調……笑爆，笑完人……點知我哋被「勒令」跟住唱呀，「女版周星馳」好友M在場當然笑到碌地！
接著宗sir問大家填詞係咪至緊要啱音？佢用陳奕迅首《陀飛輪》做例子，是潮人Wyman填詞，當中一句「我的美酒、跑車、相機、金錶…」，「金錶」唱出來是「mi -re」，但平時讀是「mi-mi」---即係兩個字同音，那代表錯？宗sir解釋，只要唱出來順口，又唔會令人誤會第二個字便可 ，新世代沒一定規範了。答案呼之欲出，他再三強調這樣不代表錯，知喇，無誤會是貶意……收到！
上常係好玩但我哋都好認真呀，會寫低 notes！課堂尾聲，姊妹們於現場各自寫了一句詞俾宗sir過目，我哋用咗一首網絡紅歌衍新自己作品，貪佢曲調夠簡單，作詞會易上手D，字詞到肉笑到甩碌……先賣關子，內容下回分饒 ！
今次課程屬雞精班(正確來說是基礎速成班)，所以理論不會繁多，並會有一首經導師批改的自己填詞作品，為課程作完美句號。最緊要是有收成---以後可以一曲走天涯，目標速成！
你哋都不妨投入以上興趣班，有得學、有得玩、兼舒壓，以後想發表心中所想就寫歌，做潮人！大家咪以為，在如此專業學院上堂必定又要使一大筆喎，其實好多是認可課程，可申請政府資助，完成課程會有證書頒發呀！
我喜歡的當然也希望大家有得試，你們可享獨家special price上體驗課堂：
入門 workshop
3小時聲樂 + 填詞 + 音樂製作
獨家超級優惠價： $158 (嘩！仲平過做一個facial呀！)
上堂日期可選4月17日 (Sun) 1-4pm 或 4月29日 (Fri) 7-10pm
Instructors: 徐繼宗及葉富生
預約時請說明是Yoko's blog readers，方可享優惠。
(***參加者另送 $500 課程現金券，可作日後報讀正式課程之用。)
(***參加者另送 $500 課程現金券，可作日後報讀正式課程之用。)
「伯樂音樂學院」Baron School of Music
灣仔港灣道2號香港藝術中心1101室
預約電話：2980 3668
info@bsm.com.hk
———————————————————————————————————–
本週《MORE》專欄精采內容：
穴位埋線 減肥報告（上）
從我上年5月在《MORE》開blog起，率先及多次提及一項非常神秘而極之有效的減肥方法——穴位埋線，以中式針灸為本，配合埋入可自身溶解之羊腸線，刺激穴位達致減肥妙效。
終於公開喇！敬請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。