化妝可以執好五官、髮型則可執好面型！
所以由細到大，我都極注重髮型！
中學時期成日犯校現，被口頭警告都要將前蔭頭髮gel高再噴定型水，風吹之時是一整片的搖晃，諗起都搞笑，純粹因為認為視覺上會有助拉長面型。
自少偏好長髮，起碼後面看來殺死人(係咪前面嚇死人…留有幻想空間！)
以前在 magazine做 fashion feature 的年代，會同 model agent 指明要長髮 models，他們偶然推薦超短髮的，也通常被彈鐘，因為長髮可塑性較高嘛，即使樣唔靚(因為睇 com card 揀樣與真人通常有頗大出入)都仲有髮型幫助掩飾！
不知大家心中是否也對某些髮型有特別偏好，還是喜歡五時花六時變呢？
其實我兩者都係，不過只限於小改變當衝激！
終於介紹佢出場俾大家識：
是我在工作上合作得最多的星級髮型師 Teddy Ng，我欣賞他多諗頭、富創意、膽大心細，經驗豐富，所以好放心俾個頭佢任舞。他曾於La Salon、IL Colpo、Chin G、Hair 等A grade hair salon任職；亦曾到英國進修髮型設計及護理課程，啱啱轉戰 Private i。
呢個係佢作品，今個聖誕照抄，我仲唔攞梗一千蚊最佳造型獎？！
呢個係 Teddy 幫 wedding magazine shooting 嘅相，簡而型！I like it。
前日我只係俾咗 5分鐘時間佢幫我改變髮型……
集中火力為前蔭換新 look！(之前是齊整及耳長度)
我只向 Teddy 拋下一句話：「我想剪短、要型！」
Teddy 定鏡望我幾秒謂：「前短及眉會型D，順便遮吓額頭、側邊斜 sharp cut，可以遮你高而凸的顴骨。」
勁........完全了解我面型而 talior made；原來 Teddy 曾開班授徒教髮型配面型，更謂前蔭是命脈，剪得唔好，個客必定一次無回頭！Oh....yes！
此乃五月份的髮型，微曲是自己 set 出來，當時長及腰。著 tube dress 最襯，可以遮吓手臂，又感覺 lady D！
二月影 pre wedding 又多得佢幫手，仲整咗成晚......送我呢頂紙巾扭摺出來的小皇冠，超級細心又窩心，手藝的確有番咁上吓！相中嘅 Teddy 官仔骨骨、好斯文咁，依家嘅佢操大隻咗、留微曲長髮、留鬚，明顯想行型路線咁喎！
超感激！
四月 my big day 又點少得 Teddy 操刀，要將我咁大把直髮先捲成曲髮，足足用上大半個鐘，好在有幾位好姊妹-Mabel、Miffy、Jojo 同埋名化妝師 Kenneth Wong 又傾又玩，多謝大家幫忙！
呢頭曲髮，勝在唔會硬實實，陽光下見到通透感，極富彈性，行起嚟有動感，咁富 volumn......仲可以遮住兩边腮位，面看來瘦削D！
我是但買咗紥白色紗網，Teddy 幫我扭、摺、夾，就變咗頂帽咁！買頭飾錢都慳番，可以轉贈 Teddy 大利是......yeah！
————————————————————————-
本週《MORE》專欄精采內容：
本週《MORE》專欄精采內容：
隱世美容界高手
除了試盡各方護膚妝品和醫學美容儀器，我更愛發掘美容界高手，就像前期在專欄內介紹的「針清王」，其實我還有多位隱世聖手未張揚，如豐胸摩術手、瘦面塑形師等等，他們即使藏身美容小店，憑著技術精湛自不然客似雲來，直情怕我公開寫好佢……驚做唔切添！今次又要出賣另一位隱世高手……..詳請留意今期《MORE》
沒有留言:
發佈留言
注意：只有此網誌的成員可以留言。