真係冇諗過，拎住iPhone都可以幫你做運動，可以計埋你消耗的卡路里，每日check住你，提你做運動！
簡單講，我尋日在App Store搵game時，居然畀我搵到一個免費運動app，大家做運動，呢個app叫「Fit for Rhythm」，係由日本人Goro Yamasaki（我估佢應該叫山琦五郎）所設計。
「Fit for Rhythm」的原理同玩Wii或最新的XBox Kinect的體感運動遊戲同出一轍，利用iPhone內的motion sensor，玩家手持iPhone做遊戲的指定動作，iPhone感應到你的動作就可以計算你的運動量，從而得到大家最渴望達到的目的---減肥！
咪睇佢免費就覺得佢廢，佢可以幫玩家鍛練Stretch（伸展）、Balance（平衡）、Aerobics（帶氧運動）及Muscle（肌肉），同Wii Fits可以做到的差唔多！
而佢又相當認真，可以輸入身高體重、性別年齡，從而計算你應該要做的運動量，咁鬼認真，陣間試下你係咪流先！
OK，入晒所有資料，咁我梗係試玩我同大家都最關心的減肥環節，要減肥，一定要揀帶氧運動（Aerobics）。入到去先知，原來都係要畀錢，只得初階Level 1係免費任玩，另外三個Level就要US$0.99。而Level 1包括5項運動，只要跟畫面的動畫指示，拎住部iPhone，就可以玩！
話時話，做晒呢5項運動都要十五分鐘，好在佢只係要求你每日做一set。咁你可能會諗，如果我hea住做，求其fing下隻手，下半身又唔郁，呃下個motion sensor就算的話，我勸你都係咪制，事關個motion sensor真係check到你個擺動節奏足唔足！
睇一睇上圖的線狀圖就好清楚睇到你手持iPhone時的擺動幅度夠唔夠，你睇下我只有中間五下係有最大擺動，其餘都運動量不足。而我呢一組動作就減去4卡路里。而我以上呢一組運動就一共幫我減去22卡路里！
上圖就係我證明俾大家睇，我真係有做足全套，唔係得個講字！
其實玩呢個運動，有一件事真係好緊要，記得記得記得，要捉實部iPhone，否則好易甩手fing走你部iPhone！我有幾次都差D fing甩部iPhone！
做完運動，以為自己只係默默耕云？錯晒，佢可以將你的運動紀錄upload上facebook或twitter，連你班friend都知你勤力做運動！
雖則我自己都有Wii，甚至連佢塊Balance Board都買埋，可惜用Wii做運動，真係得三分鐘熱度，事關每次要開機、入碟，鋪好塊瑜珈墊；玩完之後又要執拾，玩多幾玩乜熱情都冇晒！
但「Fit for Rhythm」就方便在：一切盡在iPhone！夠晒隨身，最重要係價錢平，成個app連埋其他Level的運動都只係US$0.99，最好就先試玩免費版，玩番一個星期，覺得真係有恆心做落去，先畀錢去買剩低的其他Level，呢一點我最buy！
————————————————————–
唔一定只有著衫先有mix & match，搽護膚品都一樣有mix & match方程式！假如買了非常潤的護膚品，潤到皮膚虛不受補，就有必要諗一諗點樣去調稀，變得適合自己的獨家自製護膚品，今期專欄就會教大家點樣去調配。
沒有留言:
發佈留言
注意：只有此網誌的成員可以留言。