U Beauty一千萬重裝 歎全身肌膚更生術

我周不時都會推介做 facial 好去處俾大家，卻甚少講 body treatment，因為要過程有特式，更要一次 feel 到係「掂」的確唔易！
今次真係俾我試到，當然要與大家分享！
先睇環境：

這間剛於 4 月份開業的 U Beauty 有幾巴閉？
試問有邊間美容中心 opening，可以一次過請來鄭伊健、彭氏兄弟、鄧麗欣、江若琳、鄭希怡、吳浩康、A Lin、Dada 到賀？
咪就因為揸 fit 人是寰宇娛樂老闆林小明，佔地 8,000 呎，投資了一千萬。
佔地 8,000 呎，環境當然寬敞，我第一次去好似迷宮咁，踏進更衣室後，又去過休息區、做埋皮膚測試，被人帶咗入房，出番嚟完全唔認得路！

每次踏足從未到過的美容院，我都會很留意有無 provide 窩心位，正是能否吸引我番轉頭幫襯要素之一。呢度最 buy 係：

休息室竟然有魚肉燒賣食，襯埋甜豉油，真係非一般 beauty salon 享受，唔使捱乾爭爭三文治，如果有埋 my favourite 魚旦就好 lu；仲有清熱明目菊花水，正！坐在梳化上睇電視、刨雜誌仲未夠，可以即 call 師傅按腳服務呢(呢項就唔係免費)！

Steam room 兩大間免費享用，分乾蒸和濕蒸，前者能加快身體流汗，後者排走毛孔內毒素最 good。

傳统上海式擦背(30mins) + 蜜糖香薰體膜(15mins) 
+ 熱石淋巴按摩 (1.5hrs)
傳統上海式擦背技術，香港僅存一兩間桑拿場有得做，仲要多數只 serve 男賓(唔知係咪男性死皮特別多呢)？若想喺環境優美的 beauty salon 享受，相信真係得呢度。
由於從未試過，心情特別緊張，心裏有好多疑問 - 會唔會擦到皮膚好乾？磨得利害會否敏感呢？同磨砂又有咩分別喎？
Step 1：先洗澡，目的清除身體上油脂及 body lotion，因為乾爽肌膚有助擦走角質層。

Step 2：然後到 steam room 蒸一蒸，待皮膚毛孔擴張、角質層軟化。

Step 3：接著是戲肉 - 上海式擦背，這裏的師傅身懷絕技 10 多年，經驗老到。用濕了水的毛巾包著手，於身體每吋肌膚輕柔磨擦，咪以為胡亂擦，原來係有一套手法，依據淋巴位帶動微循環。

若然角質層較厚的肌膚，會棄毛巾選用韓式擦背手套，磨擦力較強。

擦背過程原來唔會痛，只係間唔中因重覆磨搽有嚡嘅感覺；當擦完後膚質摸上手是乾爽柔滑的，我的皮膚也全無泛紅跡象。對於褪走老化角質層、促進血液循環真係好得，至啱對付背脊粉刺。擦背姐姐話我知：「曄！最勁嘅情況是捽出成吋長老泥；另外，有好多客手臂外側皮膚毛孔閉塞，引致硬實的油脂粒，做兩次巳經有助改善。」
***皮膚敏感、有含膿暗瘡不宜。

 Step 4：做完上海式擦背，跟住入 steam room 濕蒸，此時會在全身肌膚塗上天然蜜糖混合香薰(玫瑰或薰衣草)，豐富養份加上高溫濕蒸，讓每個毛孔都飲飽美肌水，完成後沖身無需用梘液。請大家自行幻想此時肌膚有幾咁滋潤、滑溜！

基本上更生全身肌膚程序已完成，但我貪心 D，歎埋熱石按摩，舒筋活血。
呢度的穴位按摩師年資更誇張，有廿年經驗，大部份更是從酒店被挖角，熱石都做咗十年，與我常掛在口邊的摩掌技師 Winny 相比，U Beauty 技師著重舒緩 relax，Winny 則主攻治療痛症，各具特式。
熱石按摩最啱冬天做，因為新陳代謝慢，暖流有助促進血液循環，幫助排水、排毒，做完即時 feel 到無重一身輕，疲累盡消；若然經痛，以熱石置於肚上，可舒緩不適。

係咪覺得好吸引呢？
我已經幫大家爭取了獨家破天荒超筍優惠，VIP都從未享有過。
預約時記住話係睇咗 Yoko 嘅 Blog，就可享以下超級優惠：
首次體驗價 -
傳统上海式擦背(30mins)+蜜糖香薰體膜(15mins) ＝$180 (原價 $500)
熱石淋巴按摩 (1.5hrs) ＝ $380 (原價 $800)
三項做齊，仲有 further discount ，只需 $480

U Beauty & Medical Center
佐敦薈 10 樓全層 (佐敦站 A 出口，過對面馬路-屈臣氏側)
2110 0600

============================================================

本週MORE專欄內容

零創傷免手術  醫生秘製拉面皮霜

當一隻號稱緊膚去紋的面霜擺在眼前，你期望搽在臉上有甚麼效果？我最希望似做完電波拉皮，甚至似做完拉皮手術一樣咁firm，或簡單講，似打蛋後雙手被沾到蛋液而繃緊的效果。

我於年多前遇到佢..........這面霜得以吸引我和一眾星級信徒如林心如追捧，就是這種magic touch，一試必愛上！欲知詳情，敬請留意今期《MORE》。

微博：http://t.sina.com.cn/yokot/

http://vipblog.orientalsunday.hk/yokot/
http://yokotsang.blogspot.com/