苦等1個月 Tempur高科技腰枕

我曾經講過，我老公但求瞓得一場好覺，不惜工本將屋企張床打造成最舒適的狀態（詳情可重溫：養心安神名方 中藥醫失眠），當中令我也受惠的，當然是那張來自瑞典的高科技太空床褥Tempur！

本來我對寢具也沒有甚麼研究，我只是有點驚訝，一張床褥憑乜可以索價二萬以上（當然，市面上很多床褥都售價不菲，但我總想知道憑乜賣咁貴），而且瞓上去的感覺和我瞓開的彈弓床褥分別很大，沒有彈彈下的感覺，只覺床褥在受壓的部份緩緩下降，慢慢出慢一個圍繞你身形的「框框」將你包裹著。

NASA指定太空物料
原來這是太空物料獨有的減壓特質，後來我上網查下 Tempur 的來歷，才知道是 Tempur 是唯一獲得美國太空總處 NASA 認證的太空物料，能將壓力卸去，平均承托而不會形成壓力點，穿梭機及太空艙內的座墊、床褥都指定使用 Tempur 物料，我先知道原來 Tempur 咁鬼勁！
之但係我今次講的，係足足要我等足成個月先有貨的腰枕（Bed Back Support），搞到我以為 Tempur 係乜潮物咁犀利！

就係呢塊腰枕（Bed Back Support）要等成個月先有貨！

原來連日本潮牌 Bape 都曾經同 Tempur crossover 推出 Baby Milo 坐墊，同得 Bape 推出別注產品，就知唔係渣嘢！ 

背脊太瘦加強承托
事緣好耐以前我向我老公投訴：「又話係太空床褥，點解瞓醒條腰有啲酸？」佢望一望我個睡姿就話：「你背脊冇肉，條腰同床褥中間因脊椎弧度而欠缺承托，買塊腰枕填補腰同床褥之間空隙就搞掂！」佢講到自己好似脊醫一樣，我就真係睬佢都傻，件事亦不了了之。
直至上個月因為搬屋而去 Sogo 買新床單被鋪，經過 Tempur 櫃位時，老公指一指床上其中一塊墊：「呢塊咪係我講咗好耐要你嗰塊腰枕！」一瞓上去，弊！終於知道自己一直瞓錯晒，佢真係剛剛好托到我條腰直一直，問埋價錢只係$1,180，只係張床20份1價錢，即刻買啦！


點知佢話斷貨，要等一個月先返貨！嘩，我真係未聽過買枕頭都要等成個月，咁我隨口問下：「究竟係冇乜人買所以少返貨，定係真係太多人買所以冇貨？」嗰位Sales太太話：「好多孕婦搶住買，所以每次返百幾塊都立即斷貨！」咁都得？


開箱示範

上星期六終於等到返貨，立即買下寫篇開箱文！腰枕呈扁扁的立體等邊三角形，無論仰睡或側睡，都可以填補腰部及床褥之間的空隙，加強腰部承托。

孕婦必買的原因，原來孕婦大肚時抑睡，BB的重量會壓著脊椎，加重孕婦負擔，如果將腰枕打直，配合孕婦側睡，三角形的斜邊剛剛好承托住個肚，由於我唔係孕婦，未能確切體會，唯有用我的bear bear熊示範。

而我在 forum 上見過，孕婦產後，可以倘睡在腰枕上，因為 Tempur 物料不會製造壓力點，無阻血液循環，更有助子宮收縮，回復體態。

想買又唔想等成個月？我已經向 Tempur 預留10個腰枕畀我個 blog 的讀者，仲爭取到一個筍價畀大家，原價$1,180的腰枕只需$799就買到，名額10個，只需在11月8日星期一中午12點起，send個email去 Tempur香港代理 info@zenico-asia.com，註明係 Yoko 讀者想以優惠價買 Tempur 腰枕即可，頭10位就可以優惠價購買。

Tempur 陳列室
中環威靈頓街14-24號威靈頓公爵大廈9樓
查詢電話：2425 8368


================================================================================

本週MORE專欄內容
煩惱絲還魂之術
頭皮都要做 facial？無錯，髮質乾旱、開叉折斷、脫落禿髮、甚至生頭瘡、敏感
炎症，原來兇手都是與頭皮層不健康所致。想護理秀髮必讀！


微博：http://t.sina.com.cn/yokot/
http://vipblog.orientalsunday.hk/yokot/
http://yokotsang.blogspot.com/