Yoko Tsang 香港美容及食療專家: 最筍聖誕購物籃（上）

我每年皆愛借聖誕佳節之名，瘋狂四處購物為實！

事關各門各派商品都會趁機以「X’mas限量版」、「佳節特惠組合」、「聖誕last call」等技倆，招攬我等一衆 shopaholic。

尤其是美容護膚品，緊記攻略是「執輸行頭慘過敗家」，踏入 11月就要準備就緒，金睛火眼與銀彈夾擊心頭好，學廣告標語話齋：「數量有限，欲購從速！」

你想散貨，我想要貨，普天同慶！

推介我的心水之選：

聖誕購物籃 1

折上折身體肌膚牛奶咁滑！

~H2O+ 牛奶身體沐浴滋潤套裝 $560 (12月1 日至1月16日， 憑恆生信用咭卡找數，呢套set只係 $280，嘩….. 要搶呀！)

包括：
Milk Shower Gel 237ml

Milk Body scrub 264ml

Milk Hand & Nail Cream 100ml

Milk Body Lotion 237ml (全部蘊含豐富牛奶蛋白、牛奶乳脂、多種維他命)

~H2O+ body care 產品一向係我 favourite，當中尤以海洋補水、膠原活肌，仲有牛奶白滑至得我歡心，呵護身體每吋肌膚。說實話，呢D好貨色唔平嘛，靜雞雞留俾自己用，老公皮膚角質層厚抵抗力又強，連鎖店J字頭護理品牌都有出牛奶沐浴露，家庭裝都唔過 $40，豪俾佢就至啱…哈哈！但凡事都有例外，X’mas梗會預埋佢一份，因為呢套 milk bath collection 節日推出超特惠價裝，平咗勁多，仲要4支 combination fit 晒我要求，有 day day用嘅柔滑沐浴啫喱配埋潤膚露、我一日搽到黑的潤手護甲霜，還有一星期一次靠佢去角質的 milk scrub(平時不設單賣)。下星期我會用恆生咭(折上折)碌番4套，我諗可以用足半年呀！

聖誕購物籃 2

破天荒半價晶瑩美顏佳品！

9 Beauty更生瑩肌套裝 原價 $2,180 特惠價 $980 (中環威靈頓街 27 號地舖 - 2810 8120）

包括︰

瑞士體驗裝面膜4 款 -魚子抗衰老、絲質蛋白增彈性、熊果素及維C美白、蘆薈保濕舒敏

BB Cream魚子、美白、礦物 (3選1)

日本Enary甲殼素 skin renew gel

日本Enary甲殼素 eye gel

呢個組合係由我 tailor made，將 9 Beauty 最喜愛的產品組合成套裝，集合護膚與美顏修飾，爭取了超過半價優惠，希望大家也可以一齊分享。

最喜愛是其skin renew-gel，即是peeling，極水潤質感，在清爽的皮膚上直接塗抹，配合搓揉，就會捽出老泥….. 即老化角質層，水洗後，肌膚即時白滑，feel so good！

此時再敷上面膜，就是最吸收時刻，每片蘊含相等於30ml的超濃縮豐富精華液，有極佳保濕鎖水及提升效果。

眼部護理我會特別慎選，至怕太潤出油脂粒，呢支 eye gel是oil free，含有甲殼素、氨基酸, 、角鯊烯和骨膠原，憑藉高科技引導體迅速滲進肌膚底層，恢復眼部彈性、減退乾紋、緊緻眼袋，除眼部外，也可塗在唇部周邊鬆弛的部位，平日索價千多元，今次跟 set買….. 超抵呀！

此外，仲有具修飾瑕疵功效的 BB Cream，質地偏豐潤，較適合缺水性肌膚，有撫平乾紋功效。

聖誕購物籃 3

限量版靚到暈妝品！

除抵買筍貨外，專為聖誕設計的限量版也是我心頭好。除咗靚都講究實用性，今年揀咗 Guerlain兩款妝品，主因冧其蜜蜂標記，此蜜蜂絕非一般小蜜蜂，是當年法國皇室頒發的徽章，讃揚在調配香水上的才華，此蜜蜂絕少登埸，物以罕為貴嘛！

絕色眼影盒 $430，盛載於蜜蜂圖案的黑色天鵝絨小袋裡蔓藤花紋，金色眼影壓印蜜蜂標記。

上次北京訪間 Zing 級化妝師，高人欽點紫金兩色冬季彈出，呢盒 Guerlain eye-palette 仲唔快D搶？我驚斷市！有齊兩種啞亮紫色，一深沉一亮麗，輕易塑造立體眼窩；幻彩金色具透明度，可亮化眼蓋位置；加埋黑色眼線，既可增加深邃感又可玩煙燻妝。一盒中晒我 favourite，實屬難得…..超開心！