「客家爺爺」喺銅鑼灣黃金廣場剛剛開咗無耐，其實中環店早於3年前開業，愛試新菜的我當時即刻相約班好友去，留下深刻印象的是裝修前衛，食物賣相精緻，即摩登版客家菜。
當時食咗一次但引唔到我返轉頭的意慾，或者是試業初期水準未發揮，又或者係無order主打特式菜啦，感覺平淡。
及後「客家爺爺」獲得2009米芝蓮精選食肆及蔡瀾常去160間食肆美譽，所以決定今次要俾多次機會佢，加上朋友們又未曾品嚐過。
今次order menu上招牌菜，為恐試唔真佢哋廚藝嘛！
試客家菜得叫鹽焗雞，所以訂位時我早已預留了半隻($128)。至於電話中店員提醒我要預留的鮑参翅肚，我則輕笑帶過。
這道鹽焗雞也許是我下次再帶屋企人嚟食的主因，俾足100分，手撕食法啖啖肉、味道非常好，夠入味，無須再沾沙薑汁，肉質嫩滑又juicy，送飯一流。
三色健康飯 ($13)，即混入紅米、糙米，高纖有營，I like it！
爺爺釀豆腐煲($88)水準不過不失，個人認為可以重味多些少，喜愛用煲仔上特別襟熱。只得一磚豆腐的分量……... 證明舖租真係貴！
地道客家蛋角($78)，即蛋包肉碎，我會覺得似奄列袖珍版，呢個組合我個人好鍾意，但又是偏淡味，其實我也不愛太濃味的食物，怕吸收鹽份多會水腫嘛，但呢度嘅菜式真係偏淡咗。
香芹糟汁魚腩煲($88)，係全餐最失望的，汁稠得很泅又油膩，只食到酒味無芹菜香味，魚腩唔新鮮，肉質霉。好在 designer 好友Vic捱義氣……. 不浪費食物……食晒！
食完會有糖水送，雪耳杏仁美白滋潤，甜味適中，ok囉！
新開張，lunch 埋單約＄65，包一餸、一飯、一甜品， CWB價錢來說算ok，e.g有梅菜扣肉。
銅鑼灣軒尼詩道502號黃金廣場5樓
電話 : 2577 8018
香港中環雲咸街63號巴力大廈
=====================================================================
本週《MORE》專欄精采內容：
隱世秘方 濕疹「藥浴法」
濕疹高踞皮膚病榜首，身邊愈來愈多朋友罹患這都市病，深知服食藥物和外塗膽固醇只能短暫控制病情，實不宜長期依賴，至今仍沒法子斷尾。
機緣巧合下，我認識了一位隱世中醫，已年届90高齡，是香港華南醫學院第一屆畢業生（現址為禮頓山），醫術高明，這年間，我的幾位同病相憐好友就是進行了他自家調配的「藥浴法」……… 詳情請睇今期《MORE》！
沒有留言:
發佈留言
注意：只有此網誌的成員可以留言。