我嚐吃中菜，為了訪尋好吃的中菜無所不用其極。
西餐非我杯菜，因我不喜澱粉類食物，意粉、pizza、risotto不合我意，冷盤、生蠔只會淺嚐，牛扒喜歡食幾啖但不會全塊幹掉，寫下寫下，原來我對食真係幾奄尖！
亦即是說，入得我口的食店，多數都有排隊潮，尤其近日頗多人龍新食店，例如中環豚王拉麵（詳情請重溫：
香港拉麵之霸–豚王拉麵）。而我的新歡同樣在中環，是位於九如坊的
大班樓！
其實我早就在飲食雜誌留意到大班樓，加上有幾位愛吃的星級朋友推介，可惜朋友告之非常爆滿，最少兩至三星期前預訂才有位，事實亦然，幾次即日訂位都爆滿，假如在晚上七至八點繁忙時間致電，甚至唔接電話，事緣上星期我在中環工作至九點半，心想九點半食尾圍，應該唔使等位吧，所以想訂九點半，結果就在七點左右打足一小時都冇人接聽，最後要親身走到九如坊，幸好有位，否則發火都似！
咁遲先去，估到有些菜式應該賣晒，果然不出所料，招牌菜如十八味豉油雞、話梅肉桂糖醋排骨都冇緣享用。不過餐牌上的自序幾有趣，節錄一些有趣句子：
1. 膽小的我們不敢用三元一斤的「醬油」、三十五元一公斤的巴西雪藏牛尾及人工養殖的魚蝦。自問沒有這等技術把這些「食材」變得好食。（
我：收得我咁貴，我也怕在這裡食到這些食材。）
2. 能夠自製的材料盡量自製，例如：仁稔醬、豆漿、凍豆腐、雪糕...成本雖然高，味道卻與「行貨」不同，無添加劑，更原味。（
我：正！甜品有雪糕食！）
頭盤三小碟，叫了
酥炸獅頭魚（$88），魚固然非常新鮮，絕非雪藏，難得用靚油炸，未食已經有一朕油香溢出，入口爽脆，肉味沒有因高溫油炸而去掉，根本就是一份日本高級天婦羅，配合陳醋的芳香，本來餓到唔餓的我，食神歸位了！
再來是
麻辣豬肚絲豬耳豬腰配番石榴（$75），同樣是新鮮的內臟，全冇難聞的內臟肉臊味，加上番石榴更是有一股清香。
這道
龍井菊花煙燻乳鴿（$88/隻）更加不得了，若果有人說當年的沙田乳鴿舉世無雙今日難尋，來這裡就吃得到同樣水準，不過係以龍井及菊花煙燻出來，入口的木香味和茶味是perfect match！
第一道主菜是
大蝦兩食---蝦子炒大蝦球+椒鹽蝦頭（$198），蝦球和蝦子將蝦味昇華，將兩種蝦味緊扣，食蝦可以食到有複雜的口味，當真是第一次。蝦頭因為是鮮蝦的關係，絕對食到蝦膏的甘香，炸得連殼到香脆入得口，一碟六隻，除開只係$33隻蝦，其實好抵食！
海鹽乾蔥荷葉白切雞（$158）果然是用新鮮雞，看到骨髓的鮮紅，真係好耐未試過，入口嫩，味淡咸，乾蔥的快感，雖然貴，但值得尋回食雞的原始味道。
甘草牛肉湯燉牛坑腩（$148），部份固然極佳，清燉後起片，不以湯上，只盞上炸蒜椒粒青蔥，肉味卻不會被遮蓋，椒粒的刺激更添風味。
最後都係欲罷不能，再加上客
子姜皮蛋（$58），子姜是用每年六月最佳月份的子姜製成，從三百斤中挑作當中最優的二十斤製成，爽口無渣，我自己最後再買多一瓶子姜回家品嚐，有看我
微博的朋友，都知道我買回家當宵夜食！
最後當然是甜品（忘記了價錢），全自家製不可不吃嘛，點了杏仁茶、杞子雪糕及子姜雪榚，份量雖少但真係好味，杏仁茶不比正街源記差，雖然杏仁未夠滑，但帶粒粒的口感卻是我的個人喜好，源記太滑，我覺得好像食唔到杏仁的感覺，但其實應該是愈滑愈正！雪糕肯定其他食肆少有的味道選擇。
食完實在覺得太好味了，於是想立即book檯下次再食，嘩，望下個booking，一直爆滿，結果要訂到十二月頭，足足三星期後先有位，同豚王拉麵經常有五十人以上排隊等食一樣咁誇張！
大班樓
中環九如坊十八號地鋪（2555 2202）
http://www.thechairmangroup.com
——————————————————
本週《MORE》專欄精采內容：
普通肌膚鎖水力弱，護膚保養品搽足十成，但揮發五成。唔通要用保鮮紙包住塊面先搞得掂？所以應慎選具高效封鎖力的非一般護膚品，何謂非一般護膚品？就是覆蓋在所有護膚程序後的「壓軸補品」，如同為肌膚築起皮脂保護膜，使養分、水分俱不易流失。今期會分享我的心水壓軸補品，想知就請睇今期專欄，謝謝！
沒有留言:
發佈留言
注意：只有此網誌的成員可以留言。