慾望No.1 --- 自拍神器第三代 Casio TR200
其實我知，我知得太遲！呢部被「內地潮人」稱為自拍神器的Casio TR系自拍相機，已經出到第三代，在中國大陸以至台灣，都係最強的自拍神兵。但奇怪的是，在香港好像寂寂無名，完全從報章雜誌中冇見過其介紹，但在網絡世界，只要搜尋「自拍神器」四字，好評多到嚇死人。
至於有乜咁吸引？當然係其「照鏡式」自拍功能啦，睇示範就知，方便到極！
而我預計，我最常用的推攝方法會係咁樣：
可惜咁好一部相機，在香港居然買唔到！
行過好多連鎖電器鋪都冇，上網睇就話全球只有中國率先發售，發售日期係2013年1月15日。香港早在上年11月已經有記者會發表過。去Casio日本官網睇，直情冇呢部自拍神器？唔通又係被水貨客買晒走私返大陸？
點解我會咁講？因為呢部TR200在國內的官方定價係人民幣￥4,990，即係港幣$6,000！貴得太誇張吧！一部1200萬像素、21mm廣角定焦鏡頭、Full HD拍片、美顏功能等等，都只屬$3,000以下的DC級數，賣價去到咁高，我認為不合理。問過一些對DC熟悉的朋友，在香港其實有部份相機店有售，不過定價約$6,800。朋友指，TR200係中國限定款式，和上一代TR150（全球都有得賣的型號）的設定都係一樣，只是多了8款藝術濾鏡而已！但TR150要幾錢呢？
炒到$5,380！
癲！我自己一定唔會助長呢個炒賣的歪風，寧願放棄都唔會用炒價買！所以我的願望好簡單，畀我用正價買到TR150已經心足！而當我得到之後，一定要再寫一個詳細分享報告，除非，佢表現未如理想。
至於慾望No.2，我真係好想再寫，不過，好似已經因為自拍神器，已經寫了好多字，明天再續！
-----------------------
本週《MORE》專欄精采內容：
2013 我的十大奇蹟面霜〈下〉
網上一直留傳「世界十大頂級面霜」名單，被譽為深受荷李活星、名緩名人寵愛，以至全球愛美女士夢寐以求重拾青春的護膚品；共通點是擁有一瓶就能夠對抗歲月摧殘，無須層層疊N款修護品，是成熟肌的「皮膚救命霜」啊！
「我的十大奇蹟面霜」誰屬！詳情請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。