2012年3月30日星期五

精明網上消費篇(一)---復活節優惠

執筆之時,我為了這個題目,寫了約百多二百字,後來有點肚餓,把中午時,媽咪帶來的老火湯翻煲飲用,伴湯的精神食糧就係今期《壹週刊》。
當中讀到其社長楊懷康的專欄,講到壹週刊的出路,提到互聯網正侵蝕傳統印刷傳媒的生計,權威調查公司的報告對傳統印刷傳媒的前景,結論是非常悲觀。
於是,我將已經寫了的字全部刪走,因為我也是從傳統印刷傳媒走進網上世界的人,看後深表感觸。第一,香港流行的雜誌,幾乎以不可能的售價發售。甚麼是「不可能的售價」?計及紙價、印刷費、發行成本、報販收益,我也看不到有哪一本雜誌的售價係「有利可圖」。雜誌社的維生方式就係依賴廣告商的廣告費,當中除了雜誌社的利潤,還涵蓋你手握的書本實物成本,幾咁抵睇!計俾你睇,一間雜誌社,要以豐富、精彩、獨家的內容,還有非常相宜的售價,去吸引你去買去睇。而雜誌社劃手握讀者的質素、背景資料,找客戶兜售廣告,養活自己的一班伙計而又獲得利潤,兼照顧埋你的日常娛樂(讀者睇雜誌亦屬正常的娛樂行為)。
所以我直到今天也認為,所有傳媒從業員,不論記者編輯攝影美術製作客戶服務,都是非常偉大的服務性行業從業員,打風落雨天災人禍都照顧你的資訊需要。
所以直到今天,雖然我在MORE有專欄,但我從未叫過東方新地免費提供書刊,我都係自己俾錢買書的!甚至我每週買雜誌的使費就要百多元,已經買到東地Tao新假期FACE東週壹週MILK忽週,買本日本航空版潮流雜誌,已經貴過以上雜誌的總售價啦!
講咁多傳媒血淚,已經離晒題,正題係想講,由我擔任代言大使的MyLuxBox,推出復活節優惠,訂購4月及5月份MyLuxBox,只需$150,足足七折!


MyLuxBox的business model就似傳媒,以優惠價計,$75就可以買到一個包羅各大化妝護膚品牌的試用產品/折扣券/服務,總值超過售價數倍,而MyLuxBox就係靠化妝護膚品牌的廣告費維生,買家就得到各式產品,點計,都係買家最抵最著數!真係辛苦晒MyLuxBox班伙計!
呢個復活節優惠,只係到3月31日止,想買就去呢度 http://www.myluxbox.hk/gift-325.aspx 
冇興趣?我都只係令你睇多以上四行字,圖片以上的一大段字,堅係心聲!

———————————————————————————————————————————————
本週《MORE》專欄精采內容:
下一支鎮守家中的「神仙水」
在廣告轟炸下,可能大家都只認為「神仙水」只得一支,然而在我心目中並非SK-II的專利能夠並駕齊驅的SK-II MEN男版神仙水日本Enary Mild LotionLa Mer Whitening Lotion Intense。詳情請留意今期《MORE》雜誌內我的專欄。

2012年3月29日星期四

增強抵抗力篇 (vol 2)

昨天提到食營養補充劑的重要性,今日壓軸介紹出埸----是我研究許多資料後,抱予厚望supplement,終於今個星期正式開始進行服用。
噚日所講的營養補充劑全部都會先暫停,因為佢能夠取替

佢叫Double X,是一有齊多種維他命營養片、礦物質營養、天然蔬果,如下示......
外形似筆盒,其實是分三隔盛載營養,盒子細心設計成密封式,不易洩氣,減低營養,前方仲設有鎖位,包保盒蓋自動彈開,密密實實!
(左起)維他命營養片、礦物質營養各62粒,夠食
Double X約$500

食呢D營養補充劑,我最注產地,至緊要安全無副作用,否則得不償失。
這盒Double X是Amway曾經有雜誌界朋友到訪他們位於的種植農地及研究室參觀,轉告知我眼界大開,估不到一條龍生產線於;從此」食他們的多款supplement,加上陪媽咪多次walk in去佢哋CWB間舖,從來無被人hard sell或迫入會,打破我對傳銷無形的厭惡

話說回來.......噚日告知大家,中醫師錢太及西醫Dr Law建議維他命C維他命 D+心臟抗氧Q10+葉酸,我今個星期開始決Double X代替。因為一盒Double X已經有齊13種維他命10種礦物質及21 只須每日三款各一至兩粒,已能完全滿足所須喇!
相信大家對於維他命及礦物質都有基礎認知對身體有處,
植物中含有大量抗氧化功效,提煉成營養素服用,有助保護細胞免受游離基破壞,即是可減少皮膚出現色斑、皺紋等衰老跡象,乃須知此營養片,就是蘊含每日身體需要的五色植物營養素,有效全面抗氧化,包括:
蕃茄紅素--- 在胡蘿蔔素家族中,具有最強勁抗氧化功效的成員,能消滅體內不斷製造衰老的游離基。
針葉櫻桃--- 鐵含量特別高,是蘋果、橘子、梨含鐵量的約20倍;其所含的蛋白質、糖、維他命AC等營養物質能使皮膚紅潤嫩白。
野生藍莓--- 含量豐富的花青素,抗氧化能力要比維他命E強效50多倍,以及比維他命C多達10倍。另外,花青素的抗氧化能力已經被證實可以防止膠原蛋白分解,保持肌膚及血管的彈性。
石榴萃取物--- 所含的鞣花酸具有美白皮膚效能,能避免黑色素沉澱,維持肌膚的彈性,緩減皺紋及細紋的形成。



當然,Double X濃度不及單一營養補充劑,以Dr Law開俾維他命 D為例是5000IU,Double X維他命 D則只含440IU,於我而言,平時得健康,supplement只是加強補充吧了,無須限制分量!總之

Amway 銅鑼灣軒尼詩道468 號地鋪
電話:2969 6300

———————————————————————————————————————————————
本週《MORE》專欄精采內容:
下一支鎮守家中的「神仙水」
在廣告轟炸下,可能大家都只認為「神仙水」只得一支,然而在我心目中並非SK-II的專利能夠並駕齊驅的SK-II MEN男版神仙水日本Enary Mild LotionLa Mer Whitening Lotion Intense。詳情請留意今期《MORE》雜誌內我的專欄。

2012年3月28日星期三

增強抵抗力篇 (vol 1)

人大咗,愈著重健康!

大家有無發覺,即使患輕輕感冒,都好耐唔斷尾,仲好易翻發添,唔知係病菌惡咗、定係身體弱咗呢?最怕影響心力無精神工作嘛!
而我天生係鼻敏感底子,周不時因瞓一晚而鼻水倒流,第二朝就喉嚨發炎;而且好易被人傳染感冒,所以要時刻提醒自己不忘調理身體。

點樣增強抵抗力?
除咗定期搵中醫針灸促進氣血,我嘅保健心得係最緊要多飲媽咪炮製的健康愛心水,冷藏於雪櫃想飲時煲暖或叮暖,以愛心水代替普通水飲用;我媽咪是師奶廚神,不單煮餸very good,養生食療好耍家,會因應屋企人身體所須及氣候轉變煲水,俾menu大家過目啦---

天氣乾燥、喉嚨痕、作咳嗽---- 飲新鮮枇杷葉煲羅漢果水
皮膚乾燥、喉嚨乾涸--- 蘋果加雪梨加粟米鬚及雪耳
滋潤加強版--- 竹庶加馬蹄加粟米及新鮮原個海底椰
熱氣、爆暗瘡--- 夏枯草煲黄豆
濕熱、脷苔厚、水腫--- 冬瓜薏米赤小豆扁豆水
小貼士:以上甜味建議來自糖冬瓜或曬乾龍眼肉,比加入片糖更有益。

我知,以上食療方法健康但煩複呢!唔係人人願意及有時間花心思。
其實我都會同步進行方便容易的方法,就是營養補充劑,說實話,我是近兩年才有服食supplement的習慣,因為是我信任的中醫師錢太及西醫Dr Law給予我建議,食食吓又覺得好似有效用喎!
即使枕邊人不幸患有感冒,touch wood……我都好多時頂得住無被傳染。
以下是我常服用之醫生推介營養補充劑:(一般人也適用)

a) 飲康鈣C--- 維他命C增強抵抗力、皮膚都有光澤D
每次將這氣水餅放入水中,炸炸聲加起泡泡又噴微煙霧,就會引來家中八卦但又怕事的兩隻貓圍住水杯觀賞,場面搞笑!
b) Dr Law clinic維他命D--- Dr Law話我成日唔肯曬太陽會缺乏維他命D,鈣質就會好易流失,但係香港有售的分量唔夠強效,她開給我的是一星期只須食一粒,非一日一粒,可想而知是加強版。
c) Co-Qten-30心臟營養補充劑--- 心臟都要補?我都有咁諗!既然是錢太叫我自行到藥房買,我對她經驗及醫德有信心,當然會聽從。原來Q10對抗氧化好有幫助,有助細胞維持健康,順便補補心臟,哈哈….. 因為錢太知我被處女座枕邊人激得多!
d) 葉酸--- 都係錢太叫我自行到藥房買,建議要定期補給,絕非孕婦至啱食!葉酸幫助氨基酸、蛋白質的合成,是人體重要營養素,幫助細胞生長,記憶力都會好D喎,唔通錢太覺得我「失憶備忘錄」?!

要每日定時定候食晒上面所講營養補充劑,我覺得人都癲,而且我飲食都算健康均衡,所以我喜愛隨心所欲,鍾意食邊款就邊款!總之,有少無多就安心啦!

明天介紹一款集合N、唔使食N的巴閉supplement俾大家……敬請待續!
———————————————————————————————————————————————
本週《MORE》專欄精采內容:
下一支鎮守家中的「神仙水」
在廣告轟炸下,可能大家都只認為「神仙水」只得一支,然而在我心目中並非SK-II的專利能夠並駕齊驅的SK-II MEN男版神仙水日本Enary Mild LotionLa Mer Whitening Lotion Intense。詳情請留意今期《MORE》雜誌內我的專欄。