或者你們都可能見過，只係一粒小小的LED補光燈，插在手機的聽筒插位。由於是由十多粒LED組成，光度當然比手機內置的LED燈更光，一照，面色當然非同少可！
但早兩星期前，我才第一次發現這個「自拍神燈」，驚為天人！平時出席press con活動，有些場地充滿氣氛，自然燈光紛暗，遇上同場出席的好友，自拍留念，真係影完都唔想留念，唔夠光又粗微粒，尤其是天花板的燈光，射在睫毛反映陰影，面色看來又黑又不均勻。
今次位大會攝影就好醒目，見到我們自拍，立即大叫：「等一等！」，以為佢想幫我們影，點知佢伸手入衫袋，拎粒「自拍神燈」出來，插落手機，即刻令到張六人自拍大合照，居然人人面色出眾！個個睇相後非常滿意！
有三個光度調校係最窩心之處。
你諗下，就連專業攝影師都一粒傍身，令到我們凡人更加想擁有，亦更加相信它的出乎意料效果。專業攝影師更告知，叉一次電可以用足五小時㗎！
結果呢個活動，人人都唔記得有乜新產品出現，個個都淨係記得呢粒「自拍神燈」，所以我都唔好意思提係邊一個品牌的PR咯。
之後，當然第一時間去電腦商場搵啦，原來都唔係大部份accessories鋪頭有得賣，有都要$78-$88一個，最平係團購網，$55一個。
不過，真係好好用，一來細粒，你唔需要長期插在手機上，放在手袋內，有需要才拎出來用。
然後有三個亮度選擇，唔怕打到塊面爆晒光，算係非常細心。內置USB叉電，使用上又夠方便，真係冇得輸。
就算唔用來自拍，當電筒仔用都一樣有用。
睇完係咪好想買呢？但又唔鍾意女仔人家一個人行電腦商場？我幫你解決埋呢個煩惱，去Y's RECIPES就有得買啦，仲平過團購，$30就可以買到。
仲有黑、白兩色選擇，唔明點用咩？女店長可以詳細解釋俾你知，咁先夠細心，拍得出靚相！
Y's Recipes
地址：銅鑼灣富明街2-6號寶明大廈3/F J室，有三部電梯，按3字即可到達（店於希慎Apple Store附近）
電話：3565 5971
營業時間：1230-2030
——————————————————
沒有留言:
發佈留言
注意：只有此網誌的成員可以留言。