原來初生嬰兒在半歲前都有母親遺留的抗體保護，半歲起抗體消失，嬰兒的免疫系統便開始獨立運作。我的兒科醫生給我的見解：「兒童由半歲起至兩歲，有病不用太擔心，因為要病過，身體才會產生抗體，日後會較少病痛，加上發燒會刺激生長因子，會容易長高。如果家長因為怕病而少帶嬰兒出街，免疫系統難免較弱，到2-6歲時便會特別多病。」聽完才放心，不過病了始終要小心，特別是發燒，一定要小心退熱。
不過，兒子的病最終傳染了給照顧他的婆婆，雖然並不嚴重，但失晒聲，就算食完藥都開唔到聲。連我都唔知點算時，媽咪在舊居床下底拎出一大樽玻璃樽。
真係唔講唔知，原來自己屋企居然有咸柑桔，仲係我媽咪在2000年時，出於「紀念千禧」而醃製。而爸爸為了「隆重其事」，更找來比粗鹽更貴價、更粗的「粗粒鹽」去醃製，夠晒講究。
咸柑桔有化痰、止咳、理氣作用，主要除痰潤肺、清熱下火，對因為傷風感冒而引致的喉嚨痛、失聲、聲沙，用一粒開熱水，立即開聲，快過打針！
平時在茶餐廳，都會有「咸柑桔七喜」供應，但這些咸柑桔通常只是一年陳。而咸柑桔通常愈陳愈有功效。我家中的這一粒，15年陳已經非常罕有，市面難尋，少有公開發售。其實好多人家中都有三四十年的咸柑桔看門口，不過真係當係寶，根本唔會割愛發售，因為食一粒，少一粒。
而通常醃得咸柑桔，每次都會好大量，但又不捨得食，以我媽咪為例，醃了15年，才捨得開封食第一粒，頗浪費自己的心血，我一向認為，食了落肚的才是自己，花膠、乾鮑、冬蟲草，很多人買了卻又不捨得食，買來幹甚麼？
我心中盤算一下，我的十五年咸柑桔數量之多，到我個孫出世都未必食得完，不如同各位分甘同味，分一些在Y's RECIPES發售，你們便可以輕易得到十五年陳的咸柑桔。而你們也不用擔心我不夠用，我已經留起一定數量給自己，更會紀念我兒子出生（雖然已經超過一年），短期內會製作紀念Yuji的咸柑桔，到他結婚時拎出來，應該有三十幾年陳了（我估佢冇咁早結婚呱，哈哈哈）。
因為我媽咪用了一粒十五年陳的開水，我也貪過癮開多一粒自己飲，當打開玻璃樽，一朕陳皮鹹酸味湧上鼻，但出奇地非常甘香，是一種非常獨特卻令人難忘的味道。
只是簡單用熱水一開，黝黑的咸柑桔卻變成金黃的咸柑桔水，像大自然蛻變的美麗，讓你更覺陳年咸柑桔的神奇；一入口，近日酷熱的鬱悶一解而清，我更深信，用陳年咸柑桔配冰凍的七喜可以如何消暑！
這些陳年咸柑桔，數量不多，旨在和各位有緣的讀者分甘同味，每樽5粒，就放在Y's RECIPES，請向店職員查詢售價或親臨選購。
Y's Recipes
地址：銅鑼灣富明街2-6號寶明大廈3/F J室（希慎Apple Store附近）
電話：3565 5971
營業時間：1230-2030（逢星期三休息）
沒有留言:
發佈留言
注意：只有此網誌的成員可以留言。