韓國大部分女仔身形真係好靚，纖瘦而且腿長......
在地鐵見到佢，點會唔望多兩眼？！同行朋友挑剔身形靚但樣唔靚；
我就睇另一方面，覺得skin tone好迷人，是蜜糖色，膚質也好啊！
韓國女仔body咁fit，唔通係keep住做呢樣？
今趟行程時間太緊迫，無時間堆自己入沙焗身汗添！
又唔通係靠呢樣？
我在韓國見到呢類整型中心和所謂醫院，多到似香港美容院咁普遍。
而我，還是將興趣集中於發掘新奇護膚品......
呢間護膚品店佈局非常富心思，大家看得出冰冷感嗎？
全部護膚品註明，必須冷藏在3至7度以保鮮喎！
檯面上銀色圓洞是放置冷藏的產品，
試上手時，那分冰冷感直滲入肌膚底層。
看到嗎？產品背後就是冷藏庫。
心水推介：Water in Cream，全天然成分，水感十足，質感清爽；
別以為玩噱頭必然貴價喎，只是HK二百多元，抵玩！
買走之產品會放入大膠樽內，並附上乾冰和棉袋以保存低溫，好認真啊！
專門店外型簡潔時尚，concept 咁特別，
大家有機會去韓國，就算唔買都要入去試試啊！
其實要找沒有進駐香港的韓國Beauty shop真係有難度，
除了以上呢間還有......
韓國本土品牌，100%天然植物製造的護膚品，如薰衣草、甘菊、薄荷等，敏感皮膚可安心使用。
我在這店買得最多，因為價錢實在太抵，試上手質感又好好......
粉底液及霜狀粉底膏，我買了前者，似skin care lotion咁水潤，塗在手背好易推好薄，在當地試塗了上面一整天，效果自然，不過易出油，適合乾性皮膚。約HK$120
我仲買左 creamy 狀 highlighter，質感軟而且好滑，閃亮效果自然；
塗濕粉後，在鼻樑及下巴位輕抹，再撲碎粉，輪廓就會更突出！約HK$70
呢個好似油灰水的小工具，是我在Joyce Beauty內見過的，不過無得單買，
必須連一款$880的貴價BB Cream；
竟然俾我在韓國遇到，好興奮啊，因為試過用佢碌面，粉底特別貼服，
可以將多餘分量帶走，亦可以平滑坑紋。約HK$35 (可清洗)
—————————————————————————————————
本週《MORE》專欄精采內容：
眼紋終於有救！
眼睛有紋，比死更難受！這個長年最難解決的問題，終於有解救方法了，怎樣救？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。