護膚品 box set 價錢通常都好鬼吸引，只是約正價之四五六折，包裝又靚喎……尤其是每年 X’mas 百花齊放，連我自己都必然忍唔住買幾盒送俾好友啊！
雖然距離 X’mas 仲有好幾個月，我呢刻就有好推介俾大家......一盒有齊潤面護手潔身，全方位兼顧呀！
就係佢----「集體回憶」，中學時期我與大部份同學們都係 H2O+ 八杯水fans！
以下呢個最新 box set 是「限量版」來的，結合皇牌熱賣產品和新品，價錢激抵，是限量賣大包，想要請快手喇！
我精明眼為大家算一算：7件護膚品定價 $520，即平均 $70蚊一件咋，咪以為全部迷你 sample size，當中5件係堅貨裝大容量，抵呀！
有5款是H2O+皇牌熱賣產品，另加入2件首次在港登場的產品--眼部卸妝液和toner。
試用報告：
我的No 1熱愛
Hand and
Nail Cream 118ml
話俾大家知，H2O+最得我歡心的其實是手霜，我知就連袁靚靚都係狂熱，每次半打西餅咁掃貨，haha….唔知靚仔Chi Lam係咪都係用家呢？
質感是比較厚身，霜狀來的，可以形成鎖水膜，我會特別針對指甲邊位配合按摩，因為含有維他命E強化指甲，及蛋白質彈加皮膚彈性，塗後會看到乾燥立即改善，皮膚是潤滑的，絕非油立立。
面部磨砂 60m l
是皇牌8杯水變奏版，加入了植物酵素微粒子，在潔面之時以按摩手法帶勦褪走老化角質和粉刺，是很水感和mild的磨砂步驟，我按後完全沒有絲綢泛紅情況，皮膚也不繃緊。
即使磨砂粒子是很mild，我通常只會用來按鼻及下巴粗糙位，其餘皮膚部位會選擇敷peeling，將刺激減至最低。
身體磨砂 118m l
呢款body scrub特別之處是黑砂粒子，講真頗粗嚡，男士們皮膚角質層較厚，會更適合；而我只會針對手踭、腳踭部位，可以有效褪走死皮。用後會唔會好乾？好在唔會，是清爽潔凈，不會繃緊，因為添加了維他命B及蘆薈，有保水功效。
沐浴啫喱 118m l
除了body scrub仲有shower gel呀！
夏天好多人鍾意用啫喱狀沖涼，爽身嘛！之但係，我發覺每次分量會用好多，因為唔能夠起泡。
呢款是用上多種植物精華為肌膚補水，所以有清新香味的，接著睡覺特別relax啊！
Face
Oasis Ultra Hydrator 15ml
呢支是「八杯水升級版」細支裝。中學年代我絕對是忠實用家，用了八杯水N瓶，因為恰度保濕喜愛清爽，至大學年代就變心了，因為覺得滿足不了我的皮膚，想要潤一點及有美白效用。
近年「升級版B5八杯水」我就沒有試過，今次box set是最好機會，質感是明顯豐富了，微稠而不是一陣風的啫喱狀，有較持久的水感，爽而不膩，年輕肌齡、易泛油脂的非常適合使用。
眼部卸妝液 (新登場) 40m l
Eye make
up remover通常是水溝油狀，呢款是oil
free，特別啱易出油脂粒的肌膚。
本來以為oil free缺點是卸妝效果稍差，測試後潔凈效果我會俾中上評級，liquid eyeliner及mascara都可以輕抹幾次完全卸淨。透明樽身看到有兩層，是法國海洋水及天然潤滑劑，較油狀清爽，有恰度保水效果。
海洋爽膚水 (新登場) 100m l
這爽膚水是專為敏感肌而設，海洋植物成分舒緩敏感痕癢、尿囊素保濕抗乾燥。
除潔面後使用，我一向習慣早晚將toner塗抹在心口位置，給予水油平衡，可以大大減少出暗粒機會啊！
Oh....終於分享完畢，一盒box set有成7件護膚品，逐一拆解......寫到我都累透了！希望大家都鍾意啦！
—————————————————————————————————
本週《MORE》專欄精采內容：
眼紋終於有救！
眼睛有紋，比死更難受！這個長年最難解決的問題，終於有解救方法了，怎樣救？詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。