母愛真係偉大，我前日返娘家一邊食至愛海鮮，一邊(終於可以)飲呢個湯！是解毒？！
昆布海藻大山地老火湯
媽咪謂這湯當年仲會加入具高度解毒療效的犀牛皮，被列為瀕臨絕種被保護動物，便沒有了！
昆布海藻大山地老火湯對皮膚有莫大裨益，具清熱解毒妙效。實例就是我媽咪，她話我知小時候每逢夏天，瓜最靚的季節，其小腿就會出好多細粒紅瘡，痕癢難耐，俗語叫「黄瓜疹」，當年又唔會識得搵皮膚醫生，結果係婆婆用天然療法幫媽咪根治。
說來神奇，媽咪話此突發性皮膚問題持續了兩個夏季，最終是每星期飲兩日呢款湯(每日三碗) ，就係咁一個月就無事喇！
如此美味的湯，竟然有助舒解皮膚敏感問題，大家久唔久煲嚟飲，預防保養肌膚都值得吖！
以下人士至啱飲：
皮膚易敏、有暗瘡和暗粒
鐘意食煎炸熱氣食物、海鮮
皮膚抵抗力弱粗糙
以下人士唔啱飲：
注意此湯性寒涼，身體虛容易暈者，宜控制飲用份量。
孕婦不宜。
材料：
昆布、海藻、大山地 –藥材舖買到
(以上三種，兩人份量，可買共約$15)
豬展約40蚊
密棗約6粒
做法：
呢個過程非常煩複---將昆布、海藻先用清水浸30分鐘，目的是令沙浮出來，然後逐少撮用手摔乾淨。
大山地及密棗沖洗備用
豬肉出水備用
若加埋生魚一條同煲，味道及食用價值更高。
將以上所有材料加入熱水煲兩個半鐘，添少量鹽便可。
(大火煲一小時後轉中火)
我呢排皮膚有時唔聽話，要常飲此湯打好肌底了！
——————————————————————————————————————————————————
本週《MORE》專欄精采內容：
沒有留言:
發佈留言
注意：只有此網誌的成員可以留言。