沖完涼心口或背脊梗有幾撻泛紅，幾分鐘就散；又或者係塊面無啦啦微紅痕癢加凸出狀小紅點，又係好快散。
嚇死我，上星期瞓醒見到塊面敏感到咁！
我一直以嚟非敏感肌，點知上星期五直頭有切膚之痛，瞓醒全面皮膚七成起咗不知名小暗粒，凸出來、也泛紅，總之看上來摸落去都係「嚡」，雖則我一點兒也不擔心，因為有幾位錫住我嘅皮膚科醫生睇實我，屋企又有大把敏感專用產品未開封！
但係嗰日心情就趺到谷底，卻由於答應了某 PR 見面，沒法子避世，當眼望眼交流對話之時，會覺得好無自信，終於明白到嚴重敏感肌、火山暗瘡面患者係幾咁難受。「因禍得福」，我已經測試到乜嘢產品可以有效抗敏，全身肌膚都有救，請恕暫且賣關子，將會在專欄內披露。
老實向大家報告，發生以上呢件事其實係一個教訓，自己攞嚟衰，為免你哋重蹈我覆轍，不介意分享呢！
事緣某晚潔面之時，發覺磨砂膏用剩一次，所以諗住用完掉咗佢，當洗完後，眼視線又見到支用剩一次的 peeling，個心又諗住用完掉埋佢，抹乾面即起勢捽，捽完額頭至面頰時已知大鑊瀨嘢，額頭話都無咁快起晒凸出小粒粒，即刻停手已後悔太遲，但估唔到早上醒來會連面頰下顎都遭我毒手所連累。
今次起因我其實深知點解，大家以後真係博唔過呀！
磨砂粒子令表皮老化角質層剝落，此時皮膚薄了，對抗外來刺激會減弱；加上摩擦 peeling 動作，即係加強 active 細胞，激上加激，皮膚即刻頂唔住，作出自我反應，咪瀨嘢敏感囉！
緊記重點：磨砂與 peeling功效相若，無須同時間一齊做！
尤幸，結果48小時就好番9成，逾下一成24小時完全康復，估唔到突發性敏感係咁易control，我挑選的防敏配方產品原來真係有料到，當然不可抹煞我位 doctor 的功勞啦！
聽日教大家一款相傳秘製渴水，非常好味，仲可以改善皮膚敏感情況，有人月飲六次敏感腳無晒事！
待續……
——————————————————————————————————————————————————
本週《MORE》專欄精采內容：
好,应该顶，今后继续努力
回覆刪除痘痘