上兩個星期收到傳媒好友J的Whatsapp：「唔掂呀！好濕呀，好水腫呀，你快D諗D好似【螺頭焗湯】一樣咁方便的去濕焗湯幫我去濕去水腫。」冬瓜煲意米咪去濕囉，好幾難呀？「就係唔想花時間煲先搵你嘛，我肯去煲就唔使搵你求救啦！焗一焗就飲得又去到水腫，你實有計。」
首先，【螺頭焗湯】的大受歡迎程度真的出乎我意料之外，方便到其他人之餘，大家去到Y's RECIPES試飲過都大讚：「好好味呀！」的而且確令我有衝動去諗多些這一類的即焗湯水，即焗去濕去水腫湯水，我就挑戰你！
點解女人咁怕濕？因為天氣一旦潮濕，就會影響脾臟功能，不利身體排水，吸收了的營養也會被阻礙吸收，最容易出現水腫、冇精神及乏力感覺，成個人冇乜胃口，嚴重者會有口臭，因為舌頭長滿利胎，成條舌頭都係白色就係非常嚴重的徵狀；連帶皮膚都會特別容易出暗粒及敏感。
於是，一些去濕的食物如意米、冬瓜、赤小豆、南豆、粉葛一類食物，都屬於入脾經的食物，入脾便能去濕，有利去濕去水腫，亦解釋了為何上述食物經常出現在去濕湯水之中。
唔想花時間煲，但又要有去濕功效，一定要從焗茶開始著手，用燜燒杯是其中一個主點，但食材上要花點心思，才可以焗得到而又有功效。立即問中醫有冇辦法，結果得到一個天大的秘訣---「意米粉」，即時將意米磨成粉末，用熱水一焗就有去濕功效，掂！
但赤小豆、南豆之類沒有磨粉，冬瓜又一大舊，點搞好？「阿女，呢個世界有糖冬瓜可以用來焗茶呀！」有媽咪教路，零舍不同！我仲搶答：「加埋陳皮，正氣一點，又冇咁涼；再加多粒龍眼乾，夠晒咯！」
太開心啦！立即試整。
材料就係：
糖冬瓜一條、意米粉一湯匙、老陳皮一角、龍眼乾三粒、熱水三小杯、燜燒杯一個
製法：
1）將陳皮浸泡在水中，變軟後以手指刮囊
2）將其他材料洗淨（如怕太甜，可沖洗糖冬瓜表面的糖霜），放入燜燒杯中，加入約三小杯滾水，焗1小時搖勻便可全日飲用。
意想不到，第一次做已經好好味呀！一個人試，並不足夠，立即安排落Y's RECIPES俾人客試飲，飲過的都正面激讚，意想不到意米粉加糖冬瓜焗水竟然咁好味！大家的正面反應又再加強了我的信心，立即趕工包裝製作，每日一次，一星期五次，去濕好幫手！放在Y's RECIPES率先試賣，又係意想不到的好反應，證明大家都受落這一個簡易去濕健脾焗茶。
因為看一看焗完的材料，大家就知用料絕對上乘，絕非下欄炒雜錦。
這樣超級方便的「健脾去濕焗茶」，$78一包，每包內有5小包，以供每星期五日飲用，即焗即飲，從未如此方便過。
售賣點：Y's RECIPES
地址：銅鑼灣富明街2-6號寶明大廈3/F J室（希慎Apple Store附近）
電話：35655971
沒有留言:
發佈留言
注意：只有此網誌的成員可以留言。