三年半後，到我成為產後孕婦，這個星級代茶，我終於可以一試其威力。
在十二朝前，只需飲用「基本版」代茶。根據我的陪月，代茶隨產後日子，定期加入更多材料，演變成為進階版，讓我的坐月時吸收並補身。
我的親身經驗：在產後及住院的四日三夜期間，我媽咪就係煲「初級版」代茶，先將白米用白鑊炒至金黃，加陳皮煲水。這樣用來代替飲用水，防止產後吸收大量水份而引致進一步水腫。
到回家第一天，陪月員上班了，就準備「基本版」代茶，即是上圖所示的模樣。
基本版代茶的材料包括：紅糙米、南棗、陳皮、白背木耳、杞子、元肉。
紅糙米代替了白米，陳皮依舊、南棗有寧神作用，札子及元肉有提氣功效，讓我睡得更好，加速復原。
做法是將紅糙米、陳皮、南棗洗淨，木耳用熱水浸軟，四者連水好似煲粥一樣，先煲一小時；最後加入杞子及元肉再煲15分鐘便完成。
陪月說，這個基本版代茶，關鍵是南棗及陳皮的質素，一定要買靚貨。
上圖是我買的正浙江義烏壹級南棗，每斤$360（Y's RECIPES有售）
講起南棗，我經驗豐富。以前我媽咪曾經買過街市的所謂「靚南棗」，根本是假扮的，因為只賣$45/斤。我不知就裏，媽咪將「靚南棗」去核切絲給我用來燉湯，嘩！煲出來一大朕煙燻味，難食到嘔，令我對南棗印象大打折扣，以後不敢食南棗。
後來在相熟的海味鋪得知，街市的所謂「南棗」是假扮的，那些所謂「南棗」的正名叫「馬牙棗」，無功效無食療價值，其存在意義就是「假扮南棗」。真正的南棗，售價要$200/斤以上，很多人聽見嚇了一跳，以為是奸商才賣咁貴，結果轉投街市貨，結果中招囉。（在此賣個廣告，我今個星期三書展推出的《尋美 變靚述II》便有教大家分辨南棗及其食療方法。）
我的陪月員非常資深，她提醒我記得買「正南棗」，去東方紅買啦，再加一句「千祈唔好慳」。唏，我買開正貨嘛！到佢煮好晒一睇，「靚貨喎，太太你真係識買貨，靚！」使乜講，哈哈！
這個代茶的另一重點是陳皮。話說上星期日我未生時，睇蘋果日報介紹紅磡觀音街的一間老字號薑醋店「明德醬園」，我是薑醋粉絲，極喜愛豬腳薑，當然要去拜訪。幸好星期日有開，但電話查詢時得知豬腳薑冇現貨需預訂，只有薑醋，結果只是了斤半薑醋及酸薑、條頭。但見店內一樣有陳皮、百合、蓮子、紅棗等雜貨，13年陳皮售$150/兩，嘩，乜陳皮咁值錢？真係唔講唔知，我買開的只不過$48/兩，已經是15年陳皮，到底是低開了，還是別人mark高了？問陪月員最好，佢經驗豐富，結果一錘定音：「太太你買的又香又乾身，果囊又收得細，肯定係10年陳以上。」Wowwww，女人最開心梗係買到又平又靚的產品啦！
至於高級版代茶，十二朝後就有得食，到時會再加入黑豆、黨參及北耆，行氣活血，加強身子用呀。
電話：3565 5971
營業時間：1230-2030（逢星期三休息）
===============================
【養生黑杞子 比蟲草更罕有】http://www.yokotsang.com/articles.php?p=20150518
—————————————————————————
沒有留言:
發佈留言
注意：只有此網誌的成員可以留言。