以前我都會和大家一樣，長假期最好去旅行（oversea shopping），或者留港消費（local shopping），總之最好都係shopping！
買得太多對荷包並非好事，可以學我一樣試下從internet吸收知識，因為不想將時間獻給《來自星星的你》。
最近買了這本書：
（Google search網絡圖片，不想再花時間影^_^）
一個很好的復活節消閒節目。書名食「營銷」一字，由operation & Marketing & promotion & advertising帶來有趣的文字。作者徐緣最新令我深刻的文章是「代大快活寫公開信」，大家可以去他的facebook page重溫。其實重溫他的facebook page可以睇到大部份書的內容，但買書就可以睇到AR擴增實景效果，可惜我用iPhone無緣睇，只support Android。
睇了有甚麼得著？如果你是一位blogger，值得睇，一般blogger可以睇到有趣的文字；叻的blogger可以領悟如何營銷自己的blog。
第二位要睇的人叫葉朗程，因為寫了A餐B餐而網絡爆紅。A餐B餐固然是一篇不錯的文章，但我比較喜歡他以前關於財經的文章，寫愛情太多人寫，投資銀行crossover愛情，同少林功夫crossover足球一樣咁罕有。文章當中可以睇到他身邊「高級中環人」的智慧，「高級中國人」的豪邁，當然還有他本人的「學院派 X 街頭智慧」。可能他為情所困吧，重溫他的文章可以去他主場新聞的blog，花三數小時可以睇晒。
最後一位是MORE VIP Blog的新blog主---池田太太！
嫁給日本人的香港女士，文章都是介紹日本的好山好水好美味！我每次都日本都堅持不買本地旅遊書，都只因嫌太香港，我只想找正宗日本人的吃喝玩樂。例如池田太太介紹日本食評網No.1好評的和牛鐵板燒，肯定是香港旅遊書找不到的內容，我睇到流晒口水，生B後一定會盡快去日本，請你寫多D日本餐廳推介，愈地道愈好，keep住日日寫呀，咁我先夠料去日本！
OK，我抖夠了，又要埋位寫稿。
祝大家復活節快樂！
——————————————————————————
本週《MORE》專欄精采內容：
沒有留言:
發佈留言
注意：只有此網誌的成員可以留言。