好用抵用 「萬能面膜水」！

介紹大家，我的新歡！

我話：「想底妝貼服，一定要靠佢！」

塗粉底前保濕功夫要做足，相信大家都知；然而，肌膚須要比正常滋潤一倍狀態下，上粉底至夠靚，呢點相信並唔肯人人都識嘅「上妝秘技」！

事必有因！我嘅御用化妝師Soie Ip及Man Chan每次幫我上妝前都係咁樣做，我自己從來亦都係，即同大家分享.......

無論你皮膚係咩類型，就算係油性，都應該令皮膚保持在極濕潤狀態下，隨即把握時機塗粉底，感覺係會有點不好受，黏立嘛；之不過，效果會輕易好貼服好水潤，之後再撲碎粉定妝，皮膚就爽番喇！

之但係，用咩保濕品在底妝下要非常講究！

一般化妝師至怕客人搽咗N件護膚品，因為好大機會捽出如擦紙膠粒；我提提大家，含膠原蛋白成分的更是大忌，因為粒子大皮膚難吸收，成分浮在表皮層，當塗抹粉底時，就會九成捽出粒粒。

其實愈搽得少+愈搽得薄+愈夠濕潤，就是妝前護膚必刹技！

它是Loreal 的'Hydrafresh Mask In Lotion'「水清新葡萄籽面膜精華水 」

大大支定價好親民 $129/175ml

近期，我拍攝網上節目或出席美容分享會，看來水潤富光澤皮膚質素真係有賴佢.......是「精華水面膜」，佢打破面膜一定係呈乳霜狀、啫喱狀、一片片紙狀，而是比水稠一點的精華液狀。搽佢打底再上妝粉底好貼啊！

至正係抹全面連頸一遍，動作唔使半分鐘，就等同為皮膚敷咗十分鐘面膜嘅保濕狀態，好適合朝早趕返工一族打救倦態乾旱皮膚！

用後皮膚有光澤、幼紋減少、粗糙改善。

一支有齊三大美肌功效：

1）為皮膚補充大量水分---透明質酸

2）提供極高抗氧化效能，即抗衰老---葡萄籽精華

3）激活細胞---法國孚日山礦泉水

從瓶身看lotion，我覺得似薏米水色澤，傾倒出來稠度是比水濃及黏。

首次抹在手背部測試，乾紋即刻消失，皮膚觸感好軟，因為價錢抵用，加上只須用極少量已能發揮極佳潤肌效果，所以，強烈建議大家除咗面同頸部，至緊要惠及雙手.......

而我誇張一點，是沖涼後，倒在手心塗抹全身，保濕鎖水效果好持久，就是為每吋肌膚給予最佳保護的好方法！

呢支Mask In Lotion早晚潔面後抹一遍，就已經等同敷咗個10分鐘面膜嘅效用，再搽番面霜就是悉心照顧皮膚的簡易step，基本上任何年紀都適合。當然，易敏肌膚，可先試抹在耳背，看看反應了解是否適合自己。

-

我的使用方法建議：

我看了部份試用者評價，有人負評為太黏立，其實是要根據不同肌膚類型使用不同方法的。

偏乾性肌膚

直接倒8滴於掌心搓揉，於全面拍打。

油性／混合性肌膚

用約13小滴，倒在化妝棉。

於面上打圈軾抹。

我T zone油面頰偏乾，也是用這方法啊！

-

促效滋養面膜

以壓縮棉沾滿lotion，敷面1分鐘，用冰墊覆蓋，緊緻+收毛孔+鎖水。

用後不用過水，立即塗面霜便可。

-

補水／補妝噴霧

夏天潮濕易泛油溶妝，補妝建議---

先用面油紙或紙巾輕印帶走多餘油脂，然後噴保濕面膜營養水，增加皮膚水潤度，才補抹two way cake粉餅，妝效看來就不會乾，亦更貼服。

方法：將Mask In Lotion倒在潔淨空瓶內，除補妝用外，可在街上隨時為皮膚補充水份。

-

妝前撫平乾紋

先以暖毛巾覆蓋面部15秒，目的是打開毛孔管道，然後塗抹lotion配合按摩及指壓30秒，令角質層軟化，營養滲透，瞬間令乾紋消失，皮膚好有光澤，隨即上化妝底霜及粉底液，水分充足妝效也更持久。

-

Yoko讀者免費試用！

睇完上述分享，大家係咪好想一試面膜精華水威力呢？

共送出10支啊！

Loreal 'Hydrafresh Mask In Lotion'

「水清新葡萄籽面膜精華水」

請大家在此文章留言：「想試用的原因！」

*截止日期：2013年8月20日

*我會挑選當中10位幸運兒，得獎者將會收到品牌發出之電郵通知。

多謝參加！

—————–---------------------------------------------------------------------------------------------

本週《MORE》專欄精采內容：

我的瘦身密碼（二）

第二回瘦身密碼，今次會以最健康的方法出發，就係同大家一齊做運動，而呢個運動當然唔係跑步、游水咁簡單，而係一項嶄新又新潮的玩意！再加埋我搵到的減肥褲，雙管齊下，極速瘦身。想知？請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too