她皮膚瀨大鑊嘢啊！做朋友責任是盡力幫佢解決問題，同時間亦唔會錯過「咁難得機會」同大家分享案情，經問准下容我公開照片，大家請有心理準備……
Oh.....慘不忍睹呀！感謝好友M犧牲色相登場我網誌。
這是毛囊發炎症狀，別以為是一般暗瘡情況啊！
好友M本來光滑無瑕的額頭皮膚點解會搞成咁？
這確是活生生尋常例子，大家平常也有機會相同遭遇，故此藉以給予警惕。
事緣，剛過去的星期六好友M去慣常光顧的按摩店做中式穴位指壓，技師問她按唔按頭，她從來也say no，因為至怕頭髮亂了，偏偏該次破天荒say yes，因為當時太累敷衍回答，就係咁出事！
技師用毛巾包裹她的額頭及頭部，起勢按咗約5分鐘喎，事隔3小時返到家已經覺得額頭好痕又熱，漸漸見到紅點出來，抓了幾下仲腫；第二日睡醒事態更嚴重，兩邊額頭都有，是愈來愈多，此時「美容救命鐘」臨危受命，咪即刻打俾我囉！
我看罷相片已經9成估到是毛囊發炎，因為幾個月前有位大學同學一齊食飯時，他兩邊面都佈滿呢種紅腫粒粒徵狀，我見到很驚訝問何解，他說自某次女友貪過癮用鉗狂拔他面毛就變成咁，吓…. 咁都可以唔理會？我力勸他找我的皮膚科醫生，結果診斷是毛囊發炎，食藥搽膏一星期康復。
我昨天收到好友M電話後，立即將她額頭「遭遇不測」照片email給我的御用皮膚科醫生，被評為毛囊發炎，我與Dr在電話中研究案情，大家一致認為致命點有二：
一) 毛巾有細菌。
二) 面部髮邊位有衆多淋巴，按摩恰巧刺激了皮膚組織。
我已經安排了好友M明天與Dr會面，希望快快好番啦！
總之，扮靚都要步步步為營，今次主角究竟是哪間店？也無謂公開了！
——————————————————————————————————————-
本週《MORE》專欄精采內容：
懶人喜訊 消脂減肥貼
上年夏天，我介紹過一款天后御用的減肥貼，非常受歡迎，可惜代理在補貨一次之後，居然沒有再返貨，一件好的產品就此在香港消失。終於我發掘到更佳代替品S.O.S.Patches Plus燒脂瘦身貼。詳情請留意今期《MORE》雜誌內我的專欄。
沒有留言:
發佈留言
注意：只有此網誌的成員可以留言。