之但係，最近我就有好些真係唔知點揀的煩惱？？？
事緣最近需要買幾件電子產品，包括：Laptop、DC同電話。
Laptop係最容易決定的，因為我只有一個要求就係輕巧，這方面以MacBook Air最出色，也沒有甚麼其他選擇，左右我這個決定。
DC的話，我本身就係Sony的支持者，年多前買下的NEX-3......
到今日仍未不離不棄經常伴著我工作，確實好使好用，影得出色快門又爽。
尤其防手震技術，我俾100%讚，單手影相完全無問題！
我嘅新歡就係......全球至無敵輕巧可換鏡頭相機，
下次有機會再詳講，及分享由佢拍攝出嚟嘅靚相。
最後係手機，原來手機先係最難的抉擇。
我究竟應該由iPhone 4升級去iPhone 4S、定係轉投Android的懷抱？
轉用4S，使用經驗完全冇問題，但總係覺得欠缺新意，Siri語音搜尋系統非我所能應用，除了800萬像素鏡頭影的相靚過iPhone 4之外，買機永遠冇現貨，一係排隊買或上網登記再等去買，一係用炒價買，購買方法如此複雜都仲係有咁多人去買，我沒法理解。
S2同Nexus二選一都係一件麻煩事，我自己大約用了十日去理解呢一回事，S2所用的Android 2.3系統，同Nexus所用的Android 4.0系統，有乜分別？我冇意去理解數字背後的含義，照數字的表面意義，系統數值愈大，自然代表愈新愈好愈出改進，但為何大家都話2.3好用過4.0？又話Nexus滯銷唔夠S2同Note好賣？到底係點架？好煩囉！淨係睇見Samsung自己的手機都可以咁鬼打鬼，又令我覺得 Apple 簡簡單單咪幾好，係咪應該買iPhone 4S算數？
就當我在百老匯counter前面左度右度之際，就畀我見到部新Prada Phoneby LG 3.0，立刻叫 sales拎來睇睇，OMG！我就係想要一部好似 Prada Phone咁薄的電話之嘛！機身設計及線條都比所有智能電話出眾，芒又比iPhone大，有成4.3吋，手感so good背面質地特別設計唔易跣手，all I want is a phone like this！
連售貨員哥哥都靜靜地從他的褲袋取出一部Prada Phone同我講：「我自己都係用佢，少人用，唔怕撞機款。」
唉，就係你呢一句，我又打退堂鼓啦！Prada即係代表fashion即係換季換潮，會唔會一年未夠就會被人嫌老土過時？Prada Phone 咁小眾，即係日後變身被裝飾的機會最細，唔似我部iPhone，雖然人人都用，但人人都有不同的風格去幫部機變裝，一日Prada，一世都要係Prada，變裝機會係零，變到都唔慌會靚喔！
呢一年來，我部iPhone都變裝過四、五次，難道，我真係走唔出iPhone之路？！
———————————————————————————————————————————————
本週《MORE》專欄精采內容：
不可思議的日與夜精華液
供日與夜使用的護膚品基礎成分大大不同，各具療效目的，精華液是首要護膚步率先滲透皮下層，更有謹慎細分的需要啊！想知我心水推介的「日間抗氧化得獎王」及「夜間激活修復王牌」，詳情請留意今期《MORE》雜誌內我的專欄。
facebook：香港美容專欄作家 Yoko Tsang
沒有留言:
發佈留言
注意：只有此網誌的成員可以留言。