2014年1月15日星期三

小心！搽面霜都會有反效果？！＜下＞

噚日，文章內(http://vipblog.orientalsunday.hk/yokot/?p=10990) 提醒大家別盲目狂塗厚重面霜，事出必有因......
事緣，上星期五，我去做深層清潔facial，嚇親呀！
獻醜喇......就係呢張紙巾上證據，D污物竟然係由我塊面度褪出嚟㗎！
點解平時照鏡，肉眼睇唔多覺咁呢.....？原來照顧得自己唔好，我好慚愧呀！

自己知自己事，混合性肌膚，常化妝加上T zone油脂分泌旺盛，毛孔必然深藏污垢，但勢估唔到今次清出嚟嘅係灰色污物，非單單黃色油脂，而且表面皮膚被評為像有層薄膜般罩住，這是日常潔面也沒法子輕易洗走的。
成因何在？主要是基於皮膚油脂接觸空氣氧化，加上粉底會block毛孔；次因是自己起勢厚塗油份重兼好黏調的滋潤面霜，日積月累致此。
-
故此，解決辦法是：
除了要更勤力著重深層清潔外，我務必輕手薄塗滋潤面霜；而喺無咁乾燥日子，我會用翻只著重保水少油份的啫喱狀面霜。
呢盒Vichy又再被我「點燈」，是'Mineral Water Gel'，強調法國純正礦物溫泉水保濕健膚，加上高濃度透明質酸持續保濕；不含防腐劑、香料、色素，敏感皮膚也可使用。
-
啫喱果凍質感水感十足，不厚重，肌膚無負擔，卻能做到瞬間補水力驚人，
如果皮膚偶有泛紅，立即厚敷，可以幫助鎮靜舒緩。
-
是Oil free配方，即使厚塗也不怕阻塞毛孔啊！
-
我至suprise係盒上註明'48h hydrating care'，明白是品牌標榜保濕力持久，
但正常人生活係12小時早晚都洗一次面啦......haha!!
-
論價錢：$240／50ml 真係激激激抵用啊！
—————————————
本週《MORE》專欄精采內容：
全方位對方黑眼圈
大家有無發現，在冬天，黑眼圏彷彿特別明顯呢？
這不是錯覺，據英國《每日郵報》引述一項實驗，發現有高達82% 的女性在冬季黑眼圈和眼袋會特別明顯，而在夏季只有38% 有類似的狀況。到底有乜方法解決？
請留意今期《MORE》雜誌內我的專欄。
發佈者： Yoko Tsang 於 00:00 0 留言
標籤：

2014年1月14日星期二

小心！搽面霜都會有反效果？！


搽面霜＞一般人只懂細意選擇成分、功能性和品牌；要告知大家，其實護膚品「質地」是非常影響往後皮膚質素。

冬天，大家搽嘅面霜係咪以下咁......
質感好厚
好黏好杰
好滋潤
好油膩
-
面霜所含嘅油分和滋潤成分較多，優點是能鎖住水分預防皮膚乾燥，缺點是分子大難滲透，且油膩容易阻塞毛孔。
「貪字得個貧」，你哋知道嗎？狠狠塗亦是大忌啊！用量過多，皮膚吸收不了，加上油脂分泌，阻塞毛孔，牽連就是谷暗粒和爆暗瘡，適可宜止，薄塗一層覆蓋每吋皮膚已足夠啊！

大家一定認為乳液或啫喱狀，保濕度和滋潤度必然不及面霜，不能滿足乾燥冬季？其實不論面霜、乳液或啫喱狀，美容生產廠商都可以做出滋潤型和清爽型，只是形態上的差別。

最重要是根據自己膚質選揀！
乾性／中性肌膚，滋潤感重面霜可助你一把；
油性肌膚，極滋潤厚重的面霜不適合你；
混合性肌膚，只宜面頰局部使用。
-
建議：
我的肌膚屬於大部份亞洲女性的混合性類型，冬季使用護膚品有以下建議：
1）若然天氣極乾燥，也只會薄薄塗厚重滋養型面霜，預防塞毛孔。
2）又或是T字位用清爽型乳液，面頰才塗滋潤感面霜。
3）可靠配搭具修護效能，且保水力強的爽膚水，以先調整角質細胞的狀態，令皮膚飽滿、彈滑、水感。
4）以水劑型精華素打底，重點是塗兩遍；方法：待完全吸收滲透，然後補塗。
5***）而我，最想同大家分享是一款極高效保濕型啫喱霜，水感十足，絕不厚重，肌膚無負擔，卻能做到瞬間補水力驚人.......明天再續

—————————————
本週《MORE》專欄精采內容：
全方位對方黑眼圈
大家有無發現，在冬天，黑眼圏彷彿特別明顯呢？
這不是錯覺，據英國《每日郵報》引述一項實驗，發現有高達82% 的女性在冬季黑眼圈和眼袋會特別明顯，而在夏季只有38% 有類似的狀況。到底有乜方法解決？
請留意今期《MORE》雜誌內我的專欄。

發佈者： Yoko Tsang 於 00:00 0 留言
標籤：

2014年1月13日星期一

拯救矇豬眼 素顏都可以變女神之紋上眼線

其實不止一次講過，紋上眼係素顏都好似「女神」一種神技，甚至乎係拯救天生矇豬眼的一種後天技術，亦係不少女藝人的秘密武器。
為何突然重提舊事？
事緣星期六晚，好友聚舊，好友F靜雞雞拉我埋一邊同我講：「我終於聽你講紋了上眼線，我好後悔！好後悔咁遲先去紋！返工好方便，對眼花少好多工夫去搞。特別係你介紹俾我位技術，手勢極好，紋得好貼眼睫毛根位，效果極度自然，根本冇人察覺到是紋上去，連我老公都唔知！」
冇錯，上眼線根本係素顏救星，如果你同我一樣追開《康熙來了》，他們好流行同女明星玩卸妝，時場還原女藝人真面目，但又有唔少女明為出位膽敢去卸。有這膽量當然有備而來，因為部份人的秘密武器就係紋了上眼線，雖然被小S鬧耍茅招，但素顏都可以見得人，上眼線功不可抹。
可惜，好多女士都同好友F一樣，怕痛又驚老土，遲遲不行動，結果懊悔不已。不過我介紹得的技師，點會係泛泛之輩？
好的技師，痛楚度可以減到最低，咬一咬牙便成就終身美麗，絕冇誇張！
手勢差的技師，最怕出來效果粗幼不一，抑或尾部下垂。或者會不夠貼內眼線，有留白情況出現。以上眼況都可以補救，至怕紋得太粗太誇張，成個王小虎；又或太幼唔夠神，話晒都托付終身呀！
而我所推介的技師Jenny，勝在係時尚年青女子，掌握潮流動態。尤記得細細個跟媽咪睇佢被紋眉，操刀的是可以做我外婆的長輩，雖然我可認同其技術，但我很難認同其時尚是否跟得貼。
講咁耐，到底Jenny的技術有幾到家？不如睇下其大作：



Jenny一向爆期，加上上星期六咁樣講一講，身邊又多了幾位朋友約做，真係千手觀音都唔得閒，但係作為我的讀者，幾時都咁照顧你們，所以星期日晚已經問下Jenny有冇優惠俾我的讀者？年青人果然快人快語，立即有以下優惠：
Jenny紋上眼線，原價$3,300
Yoko讀者優惠價$2,800（致電預約時，記得講話係Yoko讀者，除了有得平，排期都可以快一點）
預約電話：67728836（Jenny，紋上眼線地點在尖沙咀區）
—————————————
本週《MORE》專欄精采內容：
全方位對方黑眼圈
大家有無發現，在冬天，黑眼圏彷彿特別明顯呢？
這不是錯覺，據英國《每日郵報》引述一項實驗，發現有高達82% 的女性在冬季黑眼圈和眼袋會特別明顯，而在夏季只有38% 有類似的狀況。到底有乜方法解決？
請留意今期《MORE》雜誌內我的專欄。


發佈者： Yoko Tsang 於 00:02 0 留言
標籤：

2014年1月8日星期三

預告 2014' 春妝潮流 must have

2014' 春天化妝潮流會係點？
懶理現實仍處寒冬中，呢期各大美容品牌已搶閘搞傳媒發布會預演，總之快人一步，誓要成為潮流領先品牌。
而基本上，今季眾多春妝品已於1月初在專櫃有得賣了；是關，妝唔同衫，冬天化春妝ok吖，但大家不是阿徐亦不是阿'Wy'，估你都唔會冬天著春裝咁啩！
早前我去咗Giorgio Armani嘅限量版春妝preview，知道「閃」「亮」係重要元素；然而，很多女性自覺經常處於眼腫面腫狀態，一定對「閃」「亮」妝品避之則吉......諗錯咗喇，是「微閃」、「透亮」'under control level'，是提升膚質潤嫩年青的掩眼法，非派對嘩眾取寵點睛法，大家欲回顧請睇我blog文：

化妝品都要換季 之底妝篇

---
-
噚日，我出席Lancôme 2014春彩妝發布會，妝品超吸睛，急不及待即刻寫blog同大家分享呀！
現埸備有彩色甜點供品嚐，就是切合Lancome2014'明亮粉色彩妝主題啊！
-
驟眼看'French Ballerine'呢set妝品已經冧，因為中咗我至愛三元素：
鏡面、桃紅、蝴蝶結，相信都中咗好多女性心頭好吖！
-
胭脂壓花靚成咁，好唔捨得用啊！$360
--

當中最推介大家係眼影......
質感好特別，用手指輕按時有回彈感，似海綿，原來是mousse狀眼影霜......
正正係我最愛用的眼影質地，貼合上眼皮偏乾人士使用，水潤感較重。
有兩種顏色，都係偏自然調，橙肉色及粉紅色，有提亮眼皮效果。
隨盒附送軟毛迷你掃；仲有印圖指示眼影霜可同時用於打亮眉骨位置。$230／盒

上霜狀眼影霜手法：
想色澤夠顯，指尖沾多一點，手勢是橫推。
-
眼影霜建議用法有兩種：
1）潤澤+淡紋---先塗粉底液遮蓋上眼皮暗啞色調，注意份量要薄，待乾透後，用手指或工具掃上眼影霜。
2）持久+色顯---用手指或工具掃上眼影霜，之後重疊粉狀眼影。（這方法亦可減淡眼影霜嘅閃粒子效果，適合眼腫者）
Lancome Image girl演繹輪廓彩妝！
—————————————
本週《MORE》專欄精采內容：
冬天瘦腿的另類方法
冬天常處於低溫環境，血管收縮令身體血液循環減慢，隨之而來，很多女性容易出現手腳冰冷、下肢水腫、面無血色、眼圏灰暗等徵狀。到底有乜方法解決？
請留意今期《MORE》雜誌內我的專欄。
發佈者： Yoko Tsang 於 23:55 0 留言
標籤：

因有自信 所以美麗

最近喜歡看人稱「寸咀女作家」王迪詩的文章。
她說男人「理直氣壯說不喜歡女生化妝，但看見素顏的女孩又嘲笑人家豬扒。」一語道破男人自相矛盾的審美標準！
我自己都見過唔少，例如：
1. 男人心目中的理想對象，最好「素顏要純真、化妝似女神」。
2. 女伴性感只可以留俾自己睇，自己就不停望別人的短裙仔。
3. 自己口口聲聲話最憎「人造人」，但其實最鍾意睇整過容的人。

 遇上這種世上最大矛盾的人生觀，在台灣綜藝圈，就是上佳的節目題材。一群慾望的男子面前，有五位美女，當中只有一位是純天然，其餘四位都是後天美女，然後要透過各種蛛絲馬跡，搵出真正天然的美女。過程中既讚嘆後天美女的好，但又想自己身邊的是純正天然，整個節目充滿娛樂性！
大家可以先睹為快：

於我而言，我覺得憑我歷來的觀察心得，滿以為自己可以手到拿來，一擊即估中誰才是天然美女，結果我也錯開了！只能講句，真亦假時假亦真。
經常有人問我有沒有好的整容醫生介紹，我的回答都很直接，世上沒有百分百的完美！因為好的醫生都會有犯錯的時候，明明做了「100個完美的鼻」，點知在進行第101個手術前，莫名其妙地被老婆臭罵了一頓，心情悶納，影響了手術時的心情，明明得100分都搞到得番50分，你可以預計到嗎？
而我很明白，想整是因為源於自信不足，看看節目中的女孩，未整前，非常沒有自信，甚至覺得出街都冇男仔回頭望一眼，整完後卻豔光四射人見人愛車見車載。口裏說得非常動聽，身體卻很現實，因為仍然羞於在鏡頭前展示自己。自信在哪裏？是給自己的整容的籍口？還是心理的建設重要於生理的重建？
各位女讀者，快點重新認識自己，尋找隱藏在心中的真善美，將優點發掘出來，可能你精於廚藝、畫作、種植、剪裁、化妝、編織、寫作、攝影、設計、歌唱、主持...... 因為我相信，能夠在一個領域獨當一面，自信就會慢慢建立；有信心，人便會自動變得神采飛揚，美麗根本從自信開始！
—————————————
本週《MORE》專欄精采內容：
冬天瘦腿的另類方法
冬天常處於低溫環境，血管收縮令身體血液循環減慢，隨之而來，很多女性容易出現手腳冰冷、下肢水腫、面無血色、眼圏灰暗等徵狀。到底有乜方法解決？
請留意今期《MORE》雜誌內我的專欄。

發佈者： Yoko Tsang 於 00:01 0 留言
標籤：

2014年1月3日星期五

'Easy cook' 三文魚鮫！

三文魚富含omega 3，有益健康，多吃可以去皺降血壓護心臟啊！

三文魚鮫在餐廳一般食法是鹽燒或汁煮，我就愛喺屋企香煎，別有一番風味啊，口感肉嫩爆油脂，非常惹味！

自家煮當然慳錢，以呢個三文魚鮫為例，連埋魚頭才$28蚊，更是急凍中的新鮮級數。在日本餐廳一份閒閒哋賣$60呢！
-

選材：
三文魚頭雖然是急凍貨式，應揀選較新鮮的-眼珠晶瑩剔透、魚肉呈橙色。
-

製法：
1）三文魚頭洗淨，以少量鹽餣。
-
2）不用下油，以大火燒紅鑊，放入魚鮫煎，即轉中火；
待魚肉熟，外皮煎至金黃色便可。
 -
完成
比翼雙飛！
—————————————
本週《MORE》專欄精采內容：
約會前急救 叉電面膜之王
聖誕節、除夕夜，我身邊仍單身的朋友主動出撃，參加speed dating，搵我幫手事前搞好皮膚，要求是「澎澎聲見效，殘樣bye bye，肌齡回春」，只得一星期令膚質變靚，決定以「療程式急救敷面法」提升肌膚質素！我推介的急救面膜之王有二 …….
請留意今期《MORE》雜誌內我的專欄。

發佈者： Yoko Tsang 於 17:45 0 留言
標籤： ,

2014年1月2日星期四

佳節食滯，有咩自救方法？

每年最愛12月，節日氣氛濃厚，要浪漫有平安夜同聖誕節，要歡欣有普世歡騰除夕夜。
瘋狂派對玩到盡食到盡，後遺症......今日不談殘樣救忘，倒想分享食滯咗有乜解救方法！

首先，腦海千奇咪閃過「扣喉」這瘋狂方法，皆因嘔吐令胃酸倒流，好傷食道喉嚨㗎！
-

食滯如何自救？
方案一：
為腹部按摩-
以促進腸胃功能運作，及有化胃氣作用。
方法是以溫暖掌心在腹部順時針打圈推行，每次約10圏／一日3次，中力度便可，若發出「咕咕」聲證明胃氣多啊！
-
方案二：
吃適量菠蘿或木瓜-
要明白，必須加速分解食物轉化的蛋白質，就能紓緩飽滯感；而這兩種水果都含有豐富的酵素，正是能幫助分解蛋白質，菠蘿更含豐富纖維，能刺激腸道，加速蠕動，所以吃適量可消滯。
兩者也切忌多，因為木瓜果糖含量高，而且性質寒涼。
建議菠蘿浸鹽水才吃，令部分有機酸分解，稀釋致敏（喉嚨痕癢）成分。
-
方案三：
喝杯齋啡或綠茶-
咖啡因有助刺激胃酸形成，加速消化力；綠茶研究證實，當中所含的豐富兒茶素可以提升燃脂效率，幫助消化。
-
方案四：
散步-
食滯雖然感覺很不適，但別呆坐或躺著，腸道也會懶惰起來，配合散步，是促進腸道蠕動的最佳辦法。
-
方案五：
山楂水-
中醫學說中山楂具有消除肉食積滯的功效，增強消化功能、降血脂、柔和血管，是消化不良者佳品。
推介自製美味可口山楂水：
「山楂玫瑰薏米水」
以消滯化氣的山楂；配合薏米有美白、去水腫及利尿功用；玫瑰花寧神舒緩。
材料： 山楂2両、生薏米3両、玫瑰乾花5粒、圓肉6粒 (藥材舖有售）
做法： 所有材料洗乾净，加入冷水中以慢火煮半小时，蓋焗15分鐘。
注意：
山楂先浸水15分鐘，釋出殘餘污垢。
生薏米先用熱水浸軟15分鐘。
功效：健脾化滯、去水痩身，適用於腹脹、便秘者。
按：孕婦不宜-山楂會促使子宮收縮，如果大量食用，就有機會導致流產。
-
方案六：
食滯往後清淡一點，俾腸胃休息：高纖蔬果、多喝水。

奉勸大家：
「少食多餐、每餐七成飽、慢吃享受、高纖少肉、少油少甜」！

2014'祝大家快樂無憂，身體健康啊！
—————————————
本週《MORE》專欄精采內容：
約會前急救 叉電面膜之王
聖誕節、除夕夜，我身邊仍單身的朋友主動出撃，參加speed dating，搵我幫手事前搞好皮膚，要求是「澎澎聲見效，殘樣bye bye，肌齡回春」，只得一星期令膚質變靚，決定以「療程式急救敷面法」提升肌膚質素！我推介的急救面膜之王有二 …….
請留意今期《MORE》雜誌內我的專欄。

發佈者： Yoko Tsang 於 00:00 0 留言
標籤：
訂閱： 文章 (Atom)