我不止一次講過，我本身已經是不煙不酒，油膩及煎炸食物盡量少食，最傷我肌膚的問題是夜瞓。不過，本身容易皮膚敏感、患有濕疹的人士就最慘，每逢轉季、天氣潮濕、天氣太乾，都會問題叢生，皮膚潰爛，除了痛不欲生，仲會留下疤痕。
遇上這類問題，除了日常的特別護理，我曾經講過，這些人一定要在家添置抽濕機及放濕機，盡量保持室內濕度在百分之六十至七十之間，避免因為太濕滋生細菌，或太乾令空氣中的浮游物沾上皮膚，影響皮膚質素。我亦因為咁而買了一部抽濕機！（重溫：
防暗粒，要抽濕！）
就由我愛上逛百貨公司電器部開始，我發現電器部的確有不少對皮膚有幫助的電器產品，只係大家沒有留意，或代理商根本冇諗過可以從美容角度介紹給消費者。
話說，我見到呢部機之後，已經立即買下它：
呢部AirFree P150，成個星球大戰黑武士頭盔，聽個名似係空氣清新機。如果佢係空氣清新機，我一定唔會買，大拿拿用$3,390入手，只因佢係一部「空氣殺菌機」！
真係大名鼎鼎聞所未聞，了解後發現，原來佢真係好犀利，部機可以產生200度高溫，當空氣對流經過AirFree，就可以利用高溫淨化空氣同殺菌，之後再進行冷卻處理，排出潔淨常溫空氣！但令我更加有信心買下它的最大原因，係部機運作時完全沒有發出半點聲浪，完全寧靜操作！我最怕嘈，零聲浪運作連我家中的所謂超靜冷氣機比下去！
對於我呢個屋企養了兩隻貓、通屋貓毛的愛貓之人，連貓毛上的細菌都趕絕。
買的時候，售貨員說長開九日，就可以空全將屋企的細菌殺掉99.99%，之後唔使熄機，長開長用。本來我都懷疑係咪真係咁神奇，但事實上，部機係冇開關掣的。根本就係為了用家一插長用而設，長開以來，機身一點聲浪都沒有發出，而且沒有熱力發出，證明隔熱能力極佳，小朋友同家中寵物都唔怕被200度高溫熱力傷害！
講到咁勁，係因為我已經用了20日，即係已經過了頭九日的殺菌期，現在我屋企已經極之乾淨無菌，真正生活在無菌空間，咁究竟我有乜改變呢？
下回分解。
———————————————————————————-–
本週《MORE》專欄精采內容：7日重生 無創嬰肌術點樣可以皮膚質地變好？毛孔細、幼紋少、膚色靚、更滑溜......以我親試經驗，想皮膚由內到外一網打盡回春變嬰肌，只須靠一部儀器，每次做兩個肌膚治療，先針對「底層重組」再針對「表層更生」，綜合個程約1.5小時，就是最完美、簡便、速效的「7日換新肌」方法。詳情請留意今期《MORE》雜誌內我的專欄。香港美容專欄作家 Yoko Tsang | Promote Your Page Too
