Yoko Tsang 香港美容及食療專家

香港著名美容專欄作家及食療專欄作者，曾擔任時尚及美妝傳媒工作；自2011年起，已經連續十年推出不同著作，從美容、護膚、醫美知識，到纖體食療、調理養生，總數達12本，深受不同界別讀者喜愛。文章散見於Facebook、IG，每星期以專業及認真的風格主持「智識型直播」，備受各界關注和認同。擁有個人美妝品牌 Y’s Recipes www.ysrecipes.com.hk 及醫美Treatment Centre Y's Experts （Facebook：Yoko Tsang美容及食療作家）（Instagram：@yokotsangbeauty）

2010年8月6日星期五

雙劍合壁靚上加靚！

大家有無發覺每次敷上 paper mask，最快乾的部位是眼袋位置，然而整片 mask 還是很 juicy。
此時問題便發生...要知道敷 paper mask 的時間必須拿捏準繩才可發揮最佳效果，在面膜乾至 8 成仍微濕之時便要棄掉，因為精華液巳滲透足夠了，否則會反吸皮膚內的水份... 那麼眼部位置皮膚咪飲唔夠水？！
咁點算？我會用以下方法：
眼膜面膜打孖上

Steps：潔面後先貼上眼膜，然後再覆蓋整片面膜，約待 15 分鐘便可撕下來。
好處：1) 針對眼袋位置特別脆弱的肌膚，兩層面膜紙等同厚敷功效，紙質密度增加將精華加強迫入。
2) 又可以解決以上提過的 paper mask 乾透不均的問題，加強眼周肌膚濕潤度。
3) 還能結合兩款不同功效的面膜紙精華成份，同時間貫注多種營養給眼部肌膚呢！

平價高效面膜推介：

滋養美白燕窩面膜 $58 / 10片 (萬寧)

咪噓住！以為我仲介紹呢個牌子面膜...無特式？無料到？當然有原因啦！
台灣「我的美麗日記」面膜相信大家都曾經熱愛過，但這股熱潮很快被其他新鮮產品掩蓋風頭！哈哈，我都係過來人，貪新忘舊是女人本性！
講真...我都好耐無敷呢個牌子嘅 mask 喇，見佢啱啱出咗破革版...將面膜紙重新改良升級，兼且第一擊係女人湯丸「燕窩」滋養美肌成份，即管俾多次機會佢，睇吓留唔留得住我個心！
結果一拍即合，真係 good 喎！$5.8 一片有咁好效果，所以要推介俾大家。

升級版叫「多層親肌水膜紙」，看似薄薄通透的，實情有 3 層密實結構，達致超優保水效果；由日本環保植物纖維材料做的，比起舊版的確進步神速呀！我知道品牌稍後更會將之前舊有的成份都轉成新升級面膜紙添。此面膜紙素材可比媲美索價 $90/片的醫學品牌〝B 嫂〞呀。

面膜紙質地真係非常貼薄，連鼻和下巴位也相當貼服無浮起，但要「彈」的是鼻尖完全覆蓋唔到，咁點先？

嘩！一撕開面膜和眼膜 (打孖敷法)，見到皮膚超級水嫩、重拾光澤 ... 6 蚊買到咁嘅美肌效果，係咪勁先？！

敬請密切留意！

至於平價高效眼膜有咩推介？
請大家密切留意稍後我在《MORE》美容專欄推出的台灣之旅篇，勁多當地星級化妝師、明星、名模結合我的專業心水推介呀！

http://vipblog.orientalsunday.hk/yokot/

2010年8月5日星期四

自家護膚妙法！

貪心！溺愛！真係會累事。

做人處事、對愛情態度也固之然。

今次想警惕大家的是套用於護理肌膚上！
對肌膚好，並唔代表要過份溺愛，也切忌貪心，否則會帶來反效果。

昨日與好友 M又食「利小館」，她眉頭深鎖謂：「妳睇！無啦啦爆晒瘡，連兩邊頸都有，係咪俾人咒 ...搞乜鬼呀？美容師話我搽錯護膚品搞到毛孔塞晒喎。」
我問：「梗係又偷用妳阿媽至愛〝勒啤V〞，仲要係成 8 千蚊嗰樽仔天價面霜喇！」
M 謂：「哈哈！全中，仲要係諗住搽多 D 、潤 D，皮膚就靚 D嘛！點知會咁啫？！」

其實我都有呢件護膚品呢！係超矜貴抗衰老活躍成份＋高科研嘅結合，唔係人人皮膚都受得住呀，冬天乾燥加成孰肌用咗真係好 good，我媽咪都非常 like！

若然肌膚屬於敏感型，容易受刺激，護理上應適可而止，太 rich 及具刺激性成份，例如果酸和維他命 C也不宜，慎選温和保濕產品便可，為肌膚減輕負擔就是大前題。

其實我亦有類似「瀨嘢」經驗：某日做完 peeling 加針清 facial，為肌膚去角質大掃除，梗係即時充滿光澤又滑溜；如是者再趕去下一場試個安排已久的美院名牌新推出 facial，過程由潔面至最後搽防曬面霜走人，足足用咗超過12件產品，逐層逐層咁覆蓋在我面上，玩足兩個鐘，當時還是滿心歡喜的，以為皮膚食咗冬蟲草般咁滋補。
殊不知事隔 4 小時，即刻標咗兩粒瘡，奇在唔係撞正 M come，touch wood 講句：好少爆瘡喎！第二日醒來，膚色暗淡無神采，仲要加碼多幾粒小暗粒在額頭。Oh no！Tell me why？！

再隔多幾天去揾某美容院老板娘，她利眼一看，再摸摸我塊面，像看診般說道：「妳一定係搽咗過份豐潤嘅產品，睇吓！毛孔被阻塞，所以狂標油，出粉刺和暗粒，亦令角質層堆積，膚色睇來咪又黃又暗囉。」隨即幫我做深層潔淨 facial，真神奇，當清走那些可惡的油脂和粉刺後，仍未敷上保濕 mask，已經見到面色明亮番晒，此時深深體會到原來凡事唔係愈多愈好。

別以為我想隨即推介質地輕盈清爽啫喱乳液，其實係更特別的心水護膚法：
自製稀釋面霜

Step 1： 方法是將一片棉花先沾滿保濕爽膚水或維他命爽膚水。

Step 2：然後再倒上乳液或面霜在棉花上。

Step 3： 將此棉在面上打圈按摩，尤如打蠟，為面部築起水盈保護膜，效果特別明亮。此法既可稀釋面霜，又可達致清爽保濕感覺，男性應該最 buy ...爽！

互溝雙贏妙法
夏天外出最適合搽控油乳液，我會額外加入 2 滴保濕或抗氧化精華素與之混和，才塗於面上，成為上妝前水油平衡的打底妙法，既可簡化步驟又可減輕塗太多層護膚品，避免又立又易泛油的情況。

Bobbi Brown SPF 15 控油乳液

＋

Cellbone 透明質酸保濕精華液(左)、Skin Ceuticals 抗氧化精華液(右)

***緊記塗護膚品的份量不是愈多愈好，薄薄一層已可封鎖水份防止流失，若然配合拍打方式更能加速血液循環提升吸收力；又或是將乳液/面霜於掌心搓揉，再按壓於面上，其熱力也有助滲透至肌膚底層呢！

http://vipblog.orientalsunday.hk/yokot/

2010年8月4日星期三

我喺《MORE》撰寫嘅美容專欄見街啦！感動！努力！請多多支持！

逢星期一推出！

http://vipblog.orientalsunday.hk/yokot/

BB Cream 又有新成員喇！

BB Cream... 勢趨成熟，已經榮升妝品中堅份子，旗下門生衆多。

然而，很多朋友仍然對 BB Cream 望門輕嘆：「我有雀斑、毛孔又粗，唔用粉底點遮喎？！」
亦有朋友見過鬼怕黑：「嘩！試過搽咗之後塊面好似灰水咁色，超肉酸！」
亦有朋友怨道：「又厚又立，夏天搽咗標晒面油呀！」
我要為 BB Cream 平反！
不應一竹篙打一船人，大家要識揀牌子、仲要識揀型號、又要對應膚質。
以我的肌膚為例，能與大部份 BB Cream 成絕配，用手指薄塗一層經已能修飾暗淡膚色和掩飾毛孔，肌膚感覺仿如無添加，扮晒天然靚肌瞞天過海；甚至比起塗粉底效果更出衆，起碼不易浮粉；當然偶然也會遇上水準參差的 BB Cream ，一試便知無料到，仲整衰晒我嘅皮膚... 變灰、顯毛孔和勁泛油，就係最討厭的致命傷！
Dr. Wu 最新三劍俠
近日推陳出新 BB Cream 的是台灣醫學美容品牌 Dr. Wu，相信大家最捧場一定係旗下玻尿酸保濕面膜，唔平呀... 一片成 $60... 但我都係忠實用家呢！先講番前兩年，當時我做那本雜誌的靚女記者話我知日日都係搽 Dr Wu RS抗氧美白 BB Cream，仲要不停咁買，心諗咁多免費護膚品收仲要買？！
睇得出真係勁啱佢膚質，可惜用在我的面上感覺較乾，有點難推勻，唉... 咪就係因為肌齡相差成 5載囉！
我上星期去台灣已經收到 Dr Wu 最新推出的 3 款 BB Cream 試用裝，噚日到香港正式 launch，已經試用了 5 天，效果比起舊有的贏足成條街呀！

各 $180-$200 / 30ml

最特別係一次過推出 3 種精心計算款式，分別是亮白、晶鑽柔光、遮瑕，既可單獨使用，又可依據面部不同部位配合使用，就可以塑造完美剔透妝容咁話，我更佩服品牌人的生意頭腦呢！
我揀選了具遮瑕，及閃亮效果的兩款...
即睇測試：

鑽石光澤 BB Cream，加入珍珠粉末及礦物質微晶粉體，加強輪廓立體感，除了全面使用，也可局部塗於蘋果肌、鼻樑、額頭和下巴，作為 highlight。

質地水潤易推，呈淺粉肉色，帶微閃光澤感。

Before After

未塗 BB Cream 前面頰膚色不均，略帶微紅；塗上後非常白皙，且有剔透感。

遮瑕舒緩型 BB Cream，最啱易泛紅、有雀斑、印痕肌膚，可以有效遮掩瑕疵；仲加入植物性抗敏成分，可以鎮靜敏感情況。全面用當然可以，我會重點覆蓋在黑眼圈位置和暗瘡印上。

此質地較豐潤，會厚重一點，要輕推再印開。

圖中皮膚有淺啡色暗瘡印和小紅點。

搽上遮瑕 BB Cream 後，除膚色較白外，最勁是能夠 90%遮咗啡印，85%遮咗小紅點，當然凸起嘅疤就救唔到啦！

Dr. Wu
銅鑼灣京士頓街 9 號 LCX
尖沙咀海運大厦 3/F LCX
http://vipblog.orientalsunday.hk/yokot/

2010年8月3日星期二

新歡...激平超誇睫毛膏孖寶

又有好嘢介紹呀！

眼瞇瞇半開合... 呢 D 叫「無神」並唔係性感！
要揾到一支能夠起死回生、由豆零變一蚊大眼妙效的眼睫毛液確係難，相信念口簧公式推介是 majolica majorca、Helena Rubinstein、Lancome、Clinique、Maybelline、Loreal 等等。
最近巧遇呢套價錢激平，效果神奇的好玩睫毛膏孖寶，真要快快推介給大家！
事緣朋友 E 的女友每次出動時，睫毛妝也是行到爆，非常濃密、深黑、仲撑起晒，誇張效果是我有生以來試過的產品也不能做到，心諗唔通係配合咗假眼睫毛效果至咁激？
終於知答案喇，May May 仲旋即送咗呢套睫毛液俾我試，多謝晒...真係勁呀！！

品牌 Lelan Vital ，起朵 Extremelash Mascara 。約$90/盒-兩支裝，激平呀！ (此款是台灣出品)

一盒有兩支： No 1&3 Mascara Base

No 2 Amplifying Fibre

跟足指示 4 個步驟... 便可塑造極纖長、極濃密的迷人娃娃電眼睫毛。

Step 1： 夾翹睫毛。

Step 2: 先擦上 No 1&3 Mascara Base，是黑色睫毛膏，有蜂蠟滋潤成份；此時仍未感受到效果如何神奇，反而覺得不太易上色，要來回多次擦上呢！

Step 3：待未乾透，即刻迅速擦上 No 2 Amplifying Fibre，是增長纖維，由 100% 尼龍製。看來像絨毛，非常輕盈，輕力擦上，即刻黏附在剛才的睫毛膏上，非常好玩，似從枕頭抓出來的棉花呀！

Step 4：最後再重覆搽一層 No 1&3 Mascara Base 黑色睫毛膏，即時覆蓋那些白色的絨毛，令睫毛變得豐厚又濃黑。

未塗睫毛膏前：

原本睫毛稀疏及纖幼。

使用孖寶後：

超開心...睫毛變得豐盈濃密又捲翹，keep 足一日都唔甩呀！

若想效果再誇張點，可重覆 Step 2及3，真係可以似黏咗假睫毛咁誇張呢(以上只是輕量級示範而矣)！

試埋卸妝！

最緊要係用暖水加棉花一捽就甩，睇吓... 條條纖維咁退出嚟，一抹就超乾淨，只需 6 秒...卸妝極簡易呀！

神奇睫毛套裝約$90/盒-兩支裝： Cosway 代理，可在門市揾到

尖沙咀廣東道 188 號港景滙商埸地下 109-11-號店

此外，亦有其他特別的美容產品可在網上瀏覽，價錢超抵玩，足不出户送到府上：

http://ecosway.shopping.babysky.hk/list.html?pcat_id=80e1bd004c92354c7875b4f5807d8baf

http://vipblog.orientalsunday.hk/yokot/

2010年8月2日星期一

火鍋痴遇上火鍋神

（我的美容專欄，終於在今日出版的《MORE》面世，請多多支持！）

我的朋友都知我是火鍋痴，覓食成仙嘛，身邊朋友除會問我美容扮靚心得外，就是問我打邊爐有乜好介紹。上星期講過，在台灣遇上最好食的鼎王麻辣鍋，卻原來，我在七月三十日星期五凌晨一點遇到火鍋新歡！對呀，九點食完豐富晚餐，玩到一點再打邊爐做宵夜，咁仲唔算火鍋痴！？

進餐時間並非重點，重點是這一間「一兵一卒」火鍋概念店剛在三月時在台北開張的火鍋店，是現時最 hit 的火鍋蒲點，基本上去這裡既為火鍋亦為蒲，環境美不勝收，是 hip hotel 格調的食肆；創新的咖喱椰香鍋，搭上麻辣鍋的鴛鴦組合，排戰你的味蕾極限；更重要是男女店員都曾任模特兒，既有口福亦有眼福。沒有誰搶走誰的顧客，因為同樣好味，本來幫襯開鼎王的老饕，都要鼎王、一兵一卒兩邊走，因為一兵一卒就開正鼎王對面。

先看環境！

是 Franc Franc 家具精品店嗎？

VIP房環境優雅

Reception小姐身高178cm，標準 catwalk 身型。

那麼誰是火鍋神？

就是一兵一卒的行政總主廚劉友穩先生（人稱友哥）

由他特別為一兵一卒設計的咖喱椰香鍋，短短兩個月便名震台灣，卻原來曾任多間酒店及火鍋店的主廚，從台中打拼到台北，曾參與製作多間火鍋名店的鍋底，更曾著書立說，為何我知得那麼多？

當晚打邊爐，隔籬一班台灣人操著半鹹淡廣東話，當然，他們也很自然發現我正操著流利廣東話，當他們結賬離開，其中一人便用廣東話問我：「你們是香港人？」談話間我提到餐牌上有些食物非常港式，例如用煎饟三寶打邊爐，又有些爆漿芝士蝦丸、油炸鬼等等，我當時已經猜想當中的廚師一定有香港人，或曾做過廣東菜，而他亦暢談餐廳的食物如何及我們對這些鍋物的意見，於是便大膽問他：「你是否劉先生？」「對呀，我就是餐廳的主廚。」