保養品中，我用得最多係hand cream，因為我有好習慣......就係每次洗手後都記得緊接做以下護膚steps：立即印乾水份，然後塗抹hand cream，最緊要按摩埋指甲面和甲邊位置，咁樣就可以鎖住水份防止乾燥喇！我膽敢說：我嘅手部皮膚係超幼嫩柔滑，全靠「勤力、恆心」。
我的護手秘訣：
1）雙手避免直接接觸化學潔浄劑，如果要洗碗，我一定帶手套；哈哈，最好家務就交俾老公或工人啦！
2）每當洗手後要盡快抹乾水，把握時機塗護手霜，才可以阻截水份流失。
3）皮膚偏乾的，可先用兩三滴油按手，鎖住水份增加滋潤，才覆蓋護手霜，雙重保護。亦可用幾滴護膚油混合護手霜使用，滋潤度加倍，保護力亦更持久。
4）每月一次，為雙手做laser facial，令膚色均勻白浄，及促進皮膚更生；每次回家的續後保養，是浸泡牛奶數分鐘，令肌膚更軟滑。
定期做hand treatment，步驟如下：
1）先磨砂褪走手部老化角質。
2）預備一盆暖水，加入BB油，將雙手浸泡幾分鐘。
3）用毛巾吸乾手部水份，然後噴玫瑰花水，並加入皮膚專用修護油按摩1分鐘。
4）戴上透明膠手套或包保鮮紙，目的是閉封式將營養滲透手部皮膚；只需3分鐘便可除掉，不是焗得愈耐愈好，因不透氣會令皮膚出汗。
手霜推介：
我喜歡的Hand cream，首要條件當然是夠滋潤，質感厚稠，但又要易吸收喎；其次是味道怡人，最好是植物香薰清新香氣，反而不愛無味道的，藥性味就更討厭。
Aveda限量版護手霜 $270/150ml
呢支Aveda相信大家都會同我一樣......一試愛上呀！一般護手霜集中滋潤，呢支多一個重點功能，是可以褪走死皮撫平粗糙，因為添加乳酸成份，是提煉自甜菜，溫和配方，敏感皮膚也可放心使用。
質地是乳霜，似creamy般柔滑，塗抹上手即時feel到好soft，皮膚超軟滑，潤度夠持久，味道是植物香氣，好舒緩。
滋潤成分：
酸渣樹油和繡線菊種子油
維他命E
其實以往有多款hand cream我也喜愛，如H2O牛奶、Apivita茉莉花、Laura mercier雲呢嗱等；今次專登介紹呢支Aveda俾大家，因為希望宣揚善事，凡買一支aveda限量版護手霜$270/150ml，當中$30是捐予協助研究女性頭號癌症（乳癌）治療。大家別少看這$30，積少成多力量可以變成強而有力；俾個鼓勵訊息大家知道，是Aveda自2001年至今，已為乳癌研究基金會籌得$2,650萬港元了！
慈善限量版護手霜
2014年9月28日至10月31日發售
（旺角朗豪坊/銅鑼灣時代廣場）
沒有留言:
發佈留言
注意：只有此網誌的成員可以留言。