低調的命理高人（下）

上文提到，幾經波折，終於邀到高人到訪，為我正居住的住所提供「環境顧問」服務。
當知道剛剛從「X家大宅」離開，短時間內要到訪寒舍蝸居，我自己都覺得極唔好意思。
為何我要找一位「環境顧問」呢？
因為這三年來，一直都想另覓居所，可惜在可選擇的範圍內，總是找不到心頭好，再者，在睇樓過程中，一直與老公意見不合，他喜愛的我極憎，我偏好的他又勁嫌！長此下去並非辦法。最後當然要雙方妥協，一致共識，就係找一間「環境顧問」認為上佳的住處，才決家搬屋！

各位應該很想知道，這樣找屋給「環境顧問」評論，過程係點呢？首先是「環境顧問」費用，以單位建築面積計算，每平方呎$9。價錢OK，就開始約屋。高人的睇屋準則，是由我方先睇樓，如有三數個心水，就可以約高人，去這幾個心水樓盤，由高人去評分。這個時候，收費以樓盤中呎數最大的去計算，例如你帶高人睇三個盤，分別是1000呎、900呎及800呎，就算你最終揀中800呎的單位，你都要付1000呎的價錢，亦即係$9,000而非$7,200！第一次睇完，就算最終冇個中，都要先相金一半，下一次再揀另外幾個再睇，直至睇中為止。
嘩，咁搞法，如果一直都睇唔中，收費咪好甘？
事實上並非如此！
以我為例，睇過幾間，高人都從來冇收過我一分一毫，還不停給予風水上的意見，又話不如睇埋時辰八字，夾好命盤先再算。這方面我就非常讚，因為高人的感覺係有緣碰上，幫你幫到合你心水為原則，幫人多過做生意。據高人親述，某位即將舉行演唱會的資深歌星，高人足足幫他睇了21間屋，才搵到心水，功德完滿。不過我老公心水仲清，事緣呢位歌星最近捲入「飯局是非」，似乎間房唔係好幫到呢位歌星囉，啋！
唉，睇極都冇個中，點算呢？最終的意見係，不如睇下現正居住的蝸居，係咪真係要去到必搬無疑，唔搬就死先啦，所以至有呢個故事。
高人入屋喇，只以肉眼看看住處環境，羅庚都未拎出來，便坐低，將我倆的紫微星盤張開，從簡單的命盤開始講起。

當然，這一個過程在我心目中，只係露兩手，證明高人絕對真材實料，料事如神，將我倆的際遇成長，一一道出。最重要係，從命盤中已經看到是否有緣覓得心水住處，如果一切皆有命運，因為自己這三年根本係注定不會置業，一切都係過眼雲煙，真正會遇上合適住處的日子，就是過了今年農曆年之後。
好，到底現在的住處是否適合？答案是我最不想見到的，係非常適合！據他形容，我的住所的格局為「古鏡朦塵」，本是一塊閃閃生輝的寶鏡，可惜保存不當，沾污了少許，只要稍加琢磨，必可重現光輝。而高人更指人，人在並非行運的時候，做的決定往往影響大局，就以睡房為例，三間房任揀一間作睡房，一間做衣帽間，一間做書房，都可以揀錯，最適合我倆的房間做了衣帽間，最不適合做睡房的偏偏做了睡房，仲要睡錯方位，諸事不利；連書房的書桌都放錯位！高人只係話，換房，搬正床頭，移正書桌，一切就變，變得更好。
最後高人的總結，是我以往給他過目的樓盤，無一比現在的更好，三個字：搬乜鬼！
而我個人自身，高人強烈建議我加強休息，寫少一點比日日寫，更易成功更加出名！這個我個人很難接受....... 
兜兜轉轉，結果冇得搬，唔失望至奇咯！「環境顧問」，終於告一段落。

註：高人非常低調，在此不作轉介，敬請原諒。雖然有讀者留言、email給我，但恕難從命，因為，就算你得到聯絡，說是由我介紹都不會成功約到這位低調的高人。

———————————————————————————————-

本週《MORE》專欄精采內容：

西班牙模界寵兒 三合一美顏機

2013年，美容界有什麼大流行？

今次介紹的三合一手提美容儀，成為了西班牙model界恩物，「於工作上妝前使用幾分鐘，就有效幫助面部去水腫及減淡乾紋，不用再單靠喝咖啡排水了！」真的咁神奇？詳情請留意今期《MORE》雜誌內我的專欄。

http://yokotsang.blogspot.com

香港美容專欄作家 Yoko Tsang | Promote Your Page Too